ԵՐԵՎԱՆ, 14 հունվարի — Sputnik. Թոմաս Տուխելը հայտարարել է, որ դեռ կապի մեջ են Հենրիխ Մխիթարյանի հետ: Այս մասին հայտարարել է Դորտմունդի «Բորուսիայի» գլխավոր մարզիչ Թոմաս Տուխելը:
«Երբ նա այսպիսի գոլ է խփում («կարիճ» հարվածով) կամ արդյունավետ փոխանցում կատարում, նա լիովին արժանի է դրան այդքան ծանր մեկնարկից հետո: Մեծ պատիվ էր մարզել Գյունդողանին և Մխիթարյանին: Կարող եմ միայն ուրախ լինել նրանց համար»,- ասել է «Բորուսիայի» գլխավոր մարզիչը:
Մխիթարյանը «Մանչեսթեր Յունայթեդ» է տեղափոխվել 2016 թվականին: Նրա տեղափոխման համար անգլիական ակումբը 42 միլիոն եվրո է վճարել:
