3D տպիչների արտադրությամբ զբաղվող հոլանդական ընկերության գլխավոր տնօրեն Նայնա Հոֆը պատմել է, որ իրենց ռեստորանում ամեն ինչ տպված է 3D ձևաչափով՝ կահույքը, խոհանոցի պարագաները և նույնիսկ սնունդը։
«Հենց այս պահին կերակուր ենք տպում` կարտոֆիլի խյուս։ Մենք այն տեղադրել ենք բժշկական ներարկիչի մեջ»,- ասել է Նայնա Հոֆը։
Ռեստորանի սեփականատիրոջ խոսքով` 3D սարքով կերակուր պատրաստելու համար քիչ ժամանակ է պետք։ Օրինակ` շոկոլադե աղանդեր պատրաստելու համար մոտավորապես 10 րոպե է անհրաժեշտ։
Ավելի վաղ արտասովոր ռեստորան էր բացվել նաև Սան Ֆրանցիսկոյում։ Ռեստորանի միակ աշխատակիցը խորհուրդ է տալիս այցելուներին, թե ինչպես է պետք պատվեր կատարել։ Հյուրերը կերակուրն ընտրում են էկրանին նշված ցանկից, ապա ինքնուրույն վերցնում պատի մեջ բացված հատուկ խորշից։
