Կապիկին կատվին փոխանցելու որոշումը կայացրել է Տյումենի կենդանաբանական այգու տնօրեն Տատյանա Անտրոպովան։
«Ամեն ինչ ինքնաբերաբար եղավ։ Ես կապիկին նստեցրի կատվի վրա, և նա միանգամից հանգստացավ։ Հասկացա, որ կատուն կարող է նրա մայրը դառնալ։ Այդ պահից ի վեր նրանք չեն բաժանվել։ Ողջ օրը միասին են։ Կապիկը պառկում է կատվի վրա, նրա հետ ուտում է, քնում», — ասում է Տատյանա Անդրոպովան։
Կապիկի համար նոր ծնողներ փնտրելու անհրաժեշտությունն առաջացել էր այն պատճառով, որ հարազատները դադարել էին կերակրել նորածնին։ Լքված կենդանիներին ճիշտ է պահել հատուկ ինկուբատորներում, որոնցում կատարյալ խոնավություն և ջերմաստիճան է ապահովվում, սակայն կենդանաբանական այգու աշխատակիցները որոշել են կապիկի համար նոր մայր գտնել։
