19:58 08 դեկտեմբերի 2016
Ուղիղ եթեր
Աբաս Ջումա

Աբաս Ջումա. սիրիահայերը Սիրիայի համար մարտի են գնում հայկական դրոշով

© FB profile
Աշխարհ
Ստանալ կարճ հղումը
50 0 0

Մերձավոր Արևելքի հարցերի փորձագետ, միջազգային լրագրող Աբաս Ջուման Sputnik Արմենիա ռադիոյի եթերում պատմեց Սիրիան ահաբեկիչներից ազատագրելու գործողություններում հայերի մասնակցության մասին։

ԵՐԵՎԱՆ, 29 նոյեմբերի — Sputnik. Հալեպում բնակվող սիրիահայերի ճնշող մեծամասնությունը լքել է հայրենի տունը։ Մի մասը տեղափոխվել է Հայաստան, մյուսներն ապաստան են գտել Լիբանանում, Եվրոպայում և ԱՄՆ-ում։

Աբասի խոսքով` Հալեպում մնացած հայերը բավական ակտիվ մասնակցում են տարածքներն ահաբեկիչներից ազատագրելու գործողություններին։ Ավելին, հայկական ջոկատները մարտական հերթապահություն են իրականացնում` հսկելով ոչ միայն Հալեպի հայաբնակ շրջանները, այլ նույնիսկ պաշտպանում են մահմեդական սրբավայրերը։ Նրանցից շատերը ծառայում են բանակում, որը մարտական գործողություններ է մղում ահաբեկչական խմբավորումների դեմ։

Իրականում այն շրջաններում, որոնք զավթել են ահաբեկիչները, հայերի վիճակը շատ ծանր է։ Փորձագետը հուսով է, որ երկիրը լքած մարդիկ կվերադառնան, սակայն առայժմ վաղ է խոսել այդ մասին։

Հենց Հալեպում դրությունը շատ ծանր է հատկապես այն շրջաններում, որոնք արդեն ազատագրվել են։ Մարդիկ զրկված են ջրից, էլեկտրականությունից, պարենամթերքից։

«Իրականում սիրիահայերի մասին կուզեի ասել հետևյալը։ Նրանք հիանալի, հարգանքի արժանի մարդիկ են։ Նրանք այն երկրի, որտեղ ապրում են, ամենանվիրված հայրենասերներն են, պատրաստ են պաշտպանել այն զենքը ձեռքին, մարտի են դուրս գալիս` գլխավերևում բարձրացնելով Հայաստանի դրոշը։ Դա զարմանալի է և արժանի հարգանքի», — ասաց նա։

Նախօրեին Հալեպում սիրիական կադրային զորամասերը լիովին ազատագրել են Բոստան Փաշա թաղամասն ահաբեկչական խմբավորումներից, այստեղից պարբերաբար գնդակոծվում է Նոր գյուղ հայաբնակ շրջանը։

Գլխավոր թեմաներ