ԵՐԵՎԱՆ, 1 դեկտեմբերի — Sputnik. Ռուսաստանի նախագահ Վլադիմիր Պուտինն ու նրա թուրք գործընկեր Ռեջեփ Թայիփ Էրդողանը քննարկել են Անկարայի հնչեցրած հայտարարությունը, և Թուրքիայի առաջնորդը բացատրություն է տվել այդ առնչությամբ: Այս մասին հայտարարել է Ռուսաստանի նախագահի օգնական Յուրի Ուշակովը:
«Երեկ տեղի է ունեցել մեր նախագահի և Էրդողանի հեռախոսազրույցը, և անդրադարձ է եղել այդ թեմային: Այո, նա համապատասխան բացատրություն տվեց»,- ասել է Ուշակովը՝ նշելով, որ չի կարող մեկնաբանել, թե այդ բացատրությունն արդյո՞ք գոհացրել է Ռուսաստանին։
Ավելի վաղ հայտարարվել էր, որ Կրեմլը բացատրություն է ակնկալում Անկարայից` Ասադին տապալելու հայտարարության առնչությամբ:
