ԵՐԵՎԱՆ, 2 դեկտեմբերի — Sputnik. ԱՄՆ նախագահ Դոնալդ Թրամփը հաստատել է, որ Պենտագոնի ղեկավար կնշանակի նախկին գեներալ Ջեյմս Մեթիսին։ Այդ մասին նա պատմել է հինգշաբթի` Ցինցինատի քաղաքում իր կողմնակիցների հետ հանդիպման ժամանակ, հաղորդում է AFP գործակալությունը։
«Երկուշաբթի ես գեներալ Մեթիսին կառաջադրեմ Պենտագոնի ղեկավարի պաշտոնում։ Նա հիանալի է»,- ասել է Թրամփը։
Մեթիսը, որին կոչում են «կատաղած շուն», 2013 թ.-ին հեռացել է ԱՄՆ ԶՈՒ կենտրոնական հրամանատարության ղեկավարի պաշտոնից։
#BREAKING Trump says will appoint retired general Mattis as defense secretary
— AFP news agency (@AFP) 2 декабря 2016 г.
Ավելի վաղ The Washington Post-ը հաղորդել էր, որ Թրամփը Պենտագոնի ղեկավարի պաշտոնում ընտրել է գեներալ Ջեյմս Մեթիսին։ Թրամփի շտաբում, սակայն, մեկնաբանելով ԶԼՄ-ների հրապարակումները, հայտարարել էին, որ պաշտպանության նոր նախարարի վերաբերյալ վերջնական որոշում չի կայացվել։
