ԵՐԵՎԱՆ, 2 հունվարի — Sputnik. «Կրիստալ Փելեսի» դեմ խաղում հունվարի 1-ին «Արսենալի» ֆրանսիացի հարձակվող Օլիվյե Ժիրուն դարձել է «կարիճի ոճով հարվածի» հեղինակ (scorpion kick):
Խաղը տեղի է ունեցել Անգլիայի առաջնության 19-րդ տուրում, իսկ Ժիրուի գոլը, որը նա խփել է 17-րդ րոպեին, որոշիչ է դարձել այդ խաղում:
«Դժվար չէ նկատել, որ սա իմ կարիերայի լավագույն գոլն է: Իմ բախտը մի քիչ բերել է, բայց դա միակ բանն էր, ինչ ես կարող էի անել տվյալ իրավիճակում, քանի որ գնդակը թռչում էր իմ կողքով, և ես փորձեցի հարվածել կրունկով: Հավանաբար, ինձ ոգեշնչեց Հենրիխ Մխիթարյանի գոլը », — մեջբերել է Ժիրուի խոսքերը BBC Sport-ը:
Ավելի վաղ՝ 2016թ-ի դեկտեմբերի 29-ին, «Սանդերլանդի» հետ հանդիպման ժամանակ ֆանտաստիկ՝ «կարիճի ոճով» գոլի հեղինակ էր դարձել Հայաստանի հավաքականի և «Մաչեսթեր Յունայթեդի» կիսապաշտպան Հենրիխ Մխիթարյանը: Հանդիպումն ավարտեց 3:1 հաշվով՝ «Մաչեսթեր Յունայթեդի» հաղթանակով:
Նյութի ռուսերեն տարբերակը
