ԵՐԵՎԱՆ, 7 հունվարի — Sputnik, Լիլիթ Հարությունյան. Հայտնի հեռուստաաստղ Քիմ Քարդաշյանը բողոքել է, որ իր մաշկային հիվանդությունն ավելի է սրվել:
«Չեմ հասկանում՝ ինչու է պսորիազը տարածվել նաև դեմքիս վրա», — գրել է նա Twitter-ի իր էջում:
Երկրպագուներն իսկույն հետևություն են արել՝ պատճառը Քարդաշյանի հետ տեղի ունեցած տհաճ իրադարձություններ են:
Wait why am I now getting psoriasis on my face 😭
— Kim Kardashian West (@KimKardashian) January 6, 2017
Բանն այն է, որ անցյալ տարվա հոկտեմբերին Քիմին կողոպտել էին Փարիզում, անհայտ անձինք ներխուժել էին հյուրանոցի սենյակ, զենքի սպառնալլիքով գողացել թանկարժեք իրերն ու մոտավորապես ութ միլիոն դոլար: Այս դեպքին հաջորդել էր մեկ այլ տհաճ իրադարձություն. նրա ամուսնուն` հայտնի ռեփեր Քանյե Ուեսթին, նյարդային համակարգի խանգարումով տեղափոխել էին հիվանդանոց:
Քիմի մոտ պսորիազ է հայտնաբերվել վեց տարի առաջ: Հարցազրույցներից մեկում աստղը խոստովանել է, որ հիվանդության բռնկումները տարբեր պատճառներ ունեն, բայց նա չի կորցնում լիովին բուժվելու հույսը:
Հավանաբար հենց այդ դեպրեսիայի պատճառով էլ Քիմը երկար ժամանակ չէր երևում սոցցանցերում, այդ թվում նաև Instagram-ում, որն աստղի համար նաև իր ապրանքանիշների հիմնական առաջխաղացման աղբյուր է հանդիսանում: Հիշեցնենք, որ Instagram-ում Քիմի երկրպագուների թիվը հասնում է մոտ 90 միլիոնի:
Նյութի ռուսերեն տարբերակը:
