ԵՐԵՎԱՆ, 2 հուլիսի – Sputnik. Ուկրաինայում Չեռնոբոլի օտարման գոտու հրդեհները բացասաբար չեն ազդի ՌԴ–ի ռադիացիոն վիճակի վրա, հայտնել է ՌԴ ԱԻՆ մամուլի ծառայությունը։
«Ռոսպոտրեբնադզորի սանիտարական վերահսկողության վարչության և ՌԳԱ Ատոմային էներգետիկայի անվտանգ զարգացման խնդիրների ինստիտուտի տեխնիկական ճգնաժամային կենտրոնի տվյալներով` բռնկման օջախներում ռադիոակտիվ նյութերի` գոյություն ունեցող խտացման դեպքում բռնկված հրդեհները չեն կարող բացասական ազդեցություն ունենալ Ռուսաստանի ռադիացիոն վիճակի վրա», – ասել է վարչության ներկայացուցիչը։
Ռոսհիդրոմետի դաշնային տեղեկատվական-վերլուծական կենտրոնի տվյալներով` Ուկրաինայի տարածքում կանխատեսվում են թույլ հարավային և հարավ–արևմտյան քամիներ` օդային հոսանքները առանց Ռուսաստանի տարածք մտնելու։
ԱԻՆ–ում նշել են, որ «Ռուսաստանի տարածքում ռադիացիոն վիճակի փոփոխությունների բացակայությունը հաստատվում է շուրջօրյա մոնիտորինգով»։
Ռուսաստանի ԱԻՆ-ը կազմակերպել է փոխգործակցություն Ուկրաինայի արտակարգ իրավիճակների պետական ծառայության, Բելառուսի ԱԻՆ–ի, Ռոսհիդրոմետի, Ռոսպոտրեբնադզորի, ՌԳԱ Ատոմային էներգետիկայի անվտանգ զարգացման խնդիրների ինստիտուտի, Ատոմային էներգետիկայի պետական կորպորացիայի (Ռոսատոմ) և Ատոմային էներգետիկայի միջազգային գործակալության (ՄԱԳԱՏԷ) հետ։
Ավելի վաղ Ռուսաստանի ԱԻՆ ղեկավար Վլադիմիր Պուչկովը առաջարկ է ուղարկել Ուկրաինայի արտակարգ իրավիճակների պետական ծառայության ղեկավարությանը` հրդեհների մարմանը անհրաժեշտ աջակցություն տրամադրելու, այդ թվում` Ռուսաստանի ԱԻՆ ավիացիայի ներգրավմամբ։ Դեռևս ՌԴ և Ռուսաստանի ԱԻՆ չեն դիմել օգնության խնդրանքով։
«Ուկրաինայի արտակարգ իրավիճակների պետական ծառայության տվյալներով` վիճակը վերահսկվում է, հրդեհի օջախները տեղայնացված են, բնակավայրերին ոչ մի վտանգ չի սպառնում, լրացուցիչ ուժերի և միջոցների ներգրավման կարիք չկա», – հայտնել են Ռուսաստանի ԱԻՆ-ից։
Երկուշաբթի` հունիսի 29-ին, «Չեռնոբոլյան թավուտ» անտառային համալիրի տնտեսության տարածքում այրվել է չոր խոտ և եղեգ, ինչից առաջացած հրդեհը տարածվել է առանձին օջախներով` 130 հա տարածքում։ Ընդամենը 6 օջախ է գրանցվել, որոնցից 5-ը` «օտարման գոտում»։
ԱԻՆ. Չեռնոբոլի հրդեհները չեն ազդի ՌԴ–ի ռադիացիոն վիճակի վրա
© Sputnik / Андрей Александров
/ Բաժանորդագրվեք
Ռուսաստանի ԱԻՆ–ում պատմել են, որ ՌԴ–ի ռադիացիոն իրավիճակի վերահսկողությունն իրականացվում է 150 ավտոմատացված հսկիչ անցակետերում։ Ռադիացիոն ֆոնի մակարդակի բարձրացում չի արձանագրվել։
