Որոշվել են ԵԼ որակավորման 2-րդ փուլի հայկական ակումբների մրցակիցները

ԵՐԵՎԱՆ, 10 հուլիսի– Sputnik. Որոշվել են 2015/16 խաղաշրջանի Եվրոպայի ֆուտբոլի լիգայի որակավորման 2-րդ փուլով երկու հայկական ֆուտբոլային ակումբների մրցակիցները, հայտնում է Р-Спорт–ը։

Նախօրեին տեղի են ունեցել առաջին որակավորման փուլի պատասխան խաղերը, որի արդյունքներով որոշվել է, որ «Շիրակը» կխաղա շվեդական «ԱԻԿ»–ի հետ, իսկ «Ալաշկերտը» Ղազախստանի «Կայրատի» հետ։

Բացի այդ, Նյոնում (Շվեյցարիա) ուրբաթ անցկացվել է չեմպիոնների լիգայի երկրորդ նախընտրական փուլի վիճակահանությունը, որի արդյունքում որոշվել է, որ Երևանի «Փյունիկ» ակումբը կխաղա Նորվեգիայի «Մոլդեի» հետ։

Չեմպիոնների լիգայի երկրորդ փուլի առաջին խաղերը կանցնեն հուլիսի 14/15–ին, պատասխան խաղերը` հուլիսի 21/22–ին։