ԵՐԵՎԱՆ, 17 հուլիսի — Sputnik. Ամերիկացի հայտնի դերասան Ջոնի Դեփը երկու օր առաջ 4.2 միլիոն եվրոյով ոչ մեծ հունական կղզի է գնել։ Ինչպես հայտնում է ՌԻԱ Նովոստին, այդ մասին Աթենքի լրատվական գործակալությանն ասել է լոնդոնյան Proto Organization Ltd անշարժ գույքի ընկերության ԶԼՄ–ների հետ կապերի ներկայացուցիչ Սթիվեն Թեյլորը։
«Հունաստանը գրավում է հոլիվուդյան հայտնի դեմքերի, բազմաթիվ աստղեր ցանկանում են ձեռք բերել հողակտոր կամ սեփական կղզի հունական ծովերի կապույտ ջրերում։ Հուլիսի վերջին երկիր կայցելի Ջոնի Դեփը, որպեսզի տեսնի երկու օր առաջ իր գնած Stroggino կղզին»,– հայտնում է գործակալությունը։ Կղզու անվանումը բերվում է անգլերեն տառադարձությամբ։
Ամերիկացի հայտնի դերասանը որոշել է 4.2 միլիոն եվրո վճարել 0.2 քառակուսի կիլոմետր մակերեսով կղզու համար, ներկայում այն անմարդաբնակ է։ Այժմ Դեփն Ավստրալիայում է «Կարիբյան ծովահեններ» նոր ֆիլմի նկարահանումների համար։
Proto Organization Ltd ընկերությունը միջնորդ է դարձել Հունաստանում Անջելինա Ջոլիի և Բրեդ Փիթի` կղզի գնելու գործարքում, նշել է Թեյլորը։
Ջոնի Դեփը գնել է հունական Stroggino կղզին, գրում են ԶԼՄ–ները
10:30 17.07.2015 (Թարմացված է: 11:05 17.07.2015)
© Sputnik / Алексей Куденко
/ Բաժանորդագրվել
Ներկայում 0.2 քառակուսի կիլոմետր մակերեսով կղզին անմարդաբնակ է։ Ջոնի Դեփն այն գնել է երկու օր առաջ։ Stroggino–ի համար նա վճարել է 4.2 միլիոն եվևո
