ԵՐԵՎԱՆ, հուլիսի 17– Sputnik. Ավստրալիայի դատախազությունը մեղադրանք է ներկայացրել հայտնի հոլիվուդյան դերասան Ջոնի Դեպի կնոջը` երկիր անօրինական ճանապարհով կենդանիներ բերելու համար, գրում է ՌԻԱ Նովոստին` հղում անելով Daily Mail թերթին։
Մայիսին Էմբեր Հերդն անձնական ինքնաթիռով երկու յորքշիրյան տերիեր էր բերել Կանաչ աշխարհամաս, որտեղ նկարահանվում էր «Կարիբյան կղզու ծովահենները» ֆիլմը` նրա ամուսնու մասնակցությամբ։
Բացի կենդանիների ապօրինի ներմուծումից, 29-ամյա Հերդը մեղադրվում է կեղծ փաստաթղթեր օգտագործելու մեջ։ Առավելագույն պատիժը, նախատեսված կենդանիների մաքսանենգության համար, կազմում է 10 տարի բանտարկություն և ավելի քան 100 հազար ԱՄՆ դոլար տուգանք, նշում է թերթը։
Ավստրալիայի իշխանությունները Քվինսլենդ նահանգում սեպտեմբերի 7-ին նշանակված դատական լսումներին ներկայանալու ծանուցագիրն արդեն ուղարկել են դերասանուհուն։
Ավստրալիայում հազվագյուտ ֆաունայի պատճառով խիստ օրենքներ են գործում երկրի տարածք կենդանիներ բերելու համար։ Կենդանիները պետք է անցնեն երկարատև կարանտին, իսկ բոլոր իրերը, որոնք օգտագործվել են խնամքի համար, կարանտինից հետո ոչնչացվում են։
Ջոնի Դեպի կնոջը տասը տարվա ազատազրկում է սպառնում
14:19 17.07.2015 (Թարմացված է: 14:34 17.07.2015)
© ВИВА
Բաժանորդագրվեք
Մայիսին Էմբեր Հերդը սեփական ինքնաթիռով Կանաչ աշխարհամաս է բերել երկու յորքշիրյան տերիեր, այստեղ ընթանում էին «Կարիբյան կղզու ծովահենները» ֆիլմի նկարահանումները` նրա ամուսնու մասնակցությամբ
