ԵՐԵՎԱՆ, 20 հուլիսի – Sputnik. Թուրքիայի վարչապետ Ահմեդ Դավութօղլուն հանձարարել է պատրաստվել վաղաժամ խորհրդարանական ընտրություններին։ Ինչպես հաղորդում է ՌԻԱ Նովոստին, այս մասին խոսվել է վարչապետի և նրա գլխավորած «Արդարություն և զարգացում» կուսակցության շրջանային վարչությունների ղեկավարների միջև կայացած հեռախոսազրույցների ընթացքում։
«Չնայած կոալիցիայի մասին շարունակվող բանակցություններին, դուք պետք է ամեն րոպե պատրաստ լինեք վաղաժամ ընտրություններին։ Պետք է միշտ կապի մեջ լինեք ձեր քաղաքների բնակիչների հետ», – TRT հեռուստաալիքը մեջբերում է վարչապետի խոսքերը` հղում անելով կառավարության աշխատակազմին։
«Արդարություն և զարգացում» կուսակցությունը հաղթել է հունիսի 7–ի կայացած ընտրությունների արդյունքում, սակայն 2002 թ.–ից հետո առաջին անգամ կորցրել է խորհրդարանական մեծամասնությունն ու չի կարող միայնակ կառավարություն ձևավորել։ Թուրքիայի նախագահ Թայիպ Էրդողանը հանձնարարել է հուլիսի 9–ին Դավութօղլուին կառավարություն ձևավորել։
Թուրքիայի վարչապետը նախորդ երկուշաբթի սկսել է խորհրդարանի մյուս երեք կուսակցությունների հետ կոալիցիոն բանակցությունների առաջին փուլը։
Թուրքիայի խորհրդարանը պետք է 45 օրում հաստատի նախարարների կաբինետը։ Եթե այդ ժամկետի ընթացքում չհաջողվի կառավարություն ձևավորել, նախագահը ազատ կարձակի խորհրդարանն ու կնշանակի վաղաժամ ընտրություններ։ Ա.Թ.
Թուրքիայի վարչապետը հանձնարարել է պատրաստվել խորհրդարանի վաղաժամ ընտրություններին
14:54 20.07.2015 (Թարմացված է: 14:55 20.07.2015)
© Фотохост-агентство
/ Բաժանորդագրվեք
Թուրքիայի վարչապետ Ահմեդ Դավութօղլուն նշել է, որ չնայած կոալիցիայի մասին շարունակվող բանացկություններին, «Արդարություն և զարգացում» կուսակցության անդամները պետք է պատրաստ լինեն վաղաժամ խորհրդարանական ընտրություններին
