Ուկրաինայի մշակույթի նախարարությունը հաստատել է դերասանների սև ցուցակի առկայությունը

ԵՐԵՎԱՆ, 22 հուլիսի – Sputnik. Ուկրաինայի մշակույթի նախարարությունը հաստատել է մշակույթի գործիչների սև ցուցակի առկայությունը, որտեղ ընդգրկված են ֆրանսիացի դերասան Ժերար Դեպարդիեն և ուրիշներ, ովքեր, իբր սպառնում են Ուկրաինայի ազգային անվտանգությանը։ Ներկայում ցուցակը ՈՒԱԽ–ի դիտարկման փուլում է, հայտնում է ՌԻԱ Նովոստին։

Ավելի վաղ Оuest-France պարբերականը հայտնել էր, որ Դեպարդիեն և Էմիր Կուստուրիցան հայտնվել են «Ուկրաինայի ազգային անվտանգությանը սպառնացող» 600 հոգուց բաղկացած ցուցակում։

Ուկրաինայի մշակույթի նախարար Վյաչեսլավ Կիրիլենկոյի խոսքով, գոյություն ունի իբր  «Ուկրաինայի ազգային անվտանգության համար վտանգ ներկայացնող» արվեստի 117 գործիչներից բաղկացած ցուցակ։ Այդ ցուցակը գերատեսչությունը հունվարին ուղղել է Ազգային անվտանգության խորհուրդ։ 

«Դեպարդիեն այդ ցուցակում է»,– Կիրիլենկոյին է մեջբերում «Ուկրաինական պրավդա» պարբերականը։

Նա պարզաբանել է, որ մոտ երկու շաբաթ «Վիդսիչ» հասարակական նախաձեռնությունը և մի շարք այլ հասարակական կազմակերպություններ Մշակույթի նախարարությանն են փոխանցել Ռուսաստանի և այլ երկրների մեծ թվով դերասանների, նկարիչների, ստեղծագործական գործիչների ցուցակ, ովքեր, նրանց խոսքով, «կողմ են Ուկրաինայի տարածքային ամբողջականության և ինքնիշխանության խախտումներին»։ Այդ ցուցակում է նաև Դեպարդիեն։

«Գործող օրենսդրության համաձայն` այդ ցուցակը մենք համապատասխան ուղեկցող նամակով ուղղել ենք ՈՒԱԾ։ Այն պետք է ուսումնասիրի տարածքային ամբողջականության սպառնալիքների առկայությունն այս դեպքում Ժերար Դեպարդիեյի և ևս ավելի քան 400 մարդու կողմից, տա իր եզրակացությունները, և միայն դրանից հետո կարող է ներդրվել պատժամիջոցների ռեժիմ»,– ասել է նախարարը։