ԵՐԵՎԱՆ, 7 օգոստոսի– Sputnik. Հայաստանում սեպտեմբերին կանցկացվեն «Կայծակ 2015» հրամանատարաշտաբային ռազմավարական զորավարժությունները, ուրբաթ տեղեկացրեց ՀՀ ՊՆ մամուլի ծառայությունը։
Զորավարժությունների պատրաստման շրջանակում ՊՆ–ում անցկացվել է աշխատանքային խորհրդակցություն, որին մասնակցել են տարբեր գերատեսչությունների և կազմակերպությունների ներկայացուցիչները։
«Քննարկվել են գերատեսչությունների և դրանց կառավարման ներքո գտնվող ստորաբաժանումների գործողությունները ռազմաքաղաքական իրավիճակի սրման պայմաններում, պետական կառուցվածքների համատեղ գործողությունների ներդաշնակեցման, միասնական քաղաքականության հարցերն ու կառավարման համակարգի յուրաքանչյուր օղակի խնդիրները», – տեղեկացրեց ՊՆ մամուլի ծառայությունը։
Խորհրդակցության մասնակիցները քննարկել են զորավարժությունների անցկացման նախապատրաստական տեսչական աշխատանքների ընթացքը, տրվել են համապատասխան հանձնարարություններ։
Հայաստանը կանցկացնի «Կայծակ 2015» հրամանատարաշտաբային զորավարժությունները
© Геворг Перкуперкян
Բաժանորդագրվել
ՀՀ պաշտպանության նախարարությունում տեղի է ունեցել «Կայծակ 2015» սեպտեմբերյան հրամանատարաշտաբային զորավարժությունների պատրաստմանն ուղղված աշխատանքային խորհրդակցությունը
