Խոշոր ՃՏՊ–ի հետևանքով կա մեկ զոհ և մեծ թվով տուժածներ

© Sputnik / Юрий Лашов /  / Անցնել մեդիապահոցГлава МЧС РФ В.Пучков передал новую технику крымским спасателям
Глава МЧС РФ В.Пучков передал новую технику крымским спасателям - Sputnik Արմենիա
Բաժանորդագրվեք
НовостиTelegram
Առողջապահության նախարարության տվյալներով` ՃՏՊ–ի հետևանքով կա մեկ զոհ և մեծ թվով տուժածներ

ԵՐԵՎԱՆ, 13 օգոստոսի–Sputnik. Այսօր ժամը 08.25-ին ՀՀ ԱԻՆ–ում ահազանգ է ստացվել, որ Արարատի մարզի Երասխ գյուղում տեղի է ունեցել ՃՏՊ՝ հրդեհի բռնկումով, հաղորդում է ՀՀ տարածքային կառավարման և արտակարգ իրավիճակների նախարարությունը։

Ըստ հաղորդագրության` դեպքի վայր է մեկնել երեք մարտական հաշվարկ:

Ինչպես հաղորդում է ՀՀ առողջապահության նախարարությունը, ներկա պահին դեպքի վայրում աշխատում են Արարատի, Արատաշատի և Վեդու բժշկական կենտրոնների շտապօգնության 5 բրիգադ։

«Արարատի բժշկական կենտրոն են ուղարկվել լրացուցիչ մասնագիտական խմբեր` մասնավորապես վիրաբույժներ Արտաշատի և Վեդու բժշկական կենտրոններից», – նշվում է հաղորդագրության մեջ։

Ժամը 10:00-ի դրությամբ ութը վիրավոր տեղափոխվել է Արարատի բժշկական կենտրոն, 1-ը` Վեդու բժշկական կենտրոն:

Ինչպես նշվում է ՀՀ ԱՆ–ի հաղորդագրության մեջ, ՃՏՊ–ի հետևանքով կա մեկ զոհ։

«Տուժածներից երկուսի վիճակը գնահատվում է ծայրահեղ ծանր: Բժշկական ցուցումներից ելնելով` ՀՀ առողջապահության նախարարությունը կազմակերպել է նրանցից մեկի տեղափոխումը մայրաքաղաքի մասնագիտացած բժշկական կենտրոն», – նշվում է հաղորդագրության մեջ։

Մյուս տուժածներին ցուցաբերվում է անհրաժեշտ բժշկական օգնություն տեղում:

Լրահոս
0