ԵՐԵՎԱՆ, 13 օգոստոսի – Sputnik. Հինգշաբթի գիշերը Տյանցզինում պայթյունից զոհվել է 44 մարդ, 520–ը հոսպիտալացվել են, հայտնում է Սինխուան` հղում անելով փրկարարական աշխատանքներ իրականացնող շտաբին։
Ինչպես ավելի վաղ հայտնել էին, երկու պայթյուն 30 վարկյան տարբերությամբ թնդացել են չորեքշաբթի երեկոյան Տյանցզինում բեռնափոխադրումներով զբաղվող կազմակերպության վտանգավոր նյութերով բեռնարկղային տերմինալում։
«Տյանցզինում պայթյունի զոհերի թիվը հասել է 44–ի, ընդհանուր առմամբ 520 մարդ հոսպիտալացվել են, այդ թվում` 66-ը գտնվում են ծանր վիճակում», – նշված է գործակալության հաղորդագրության մեջ։
Զոհերի թվում 12 հրդեհայիններ են։
«Ժենմին ժիբաո» թերթի տվյալներով, դեպքի վայր են ուղարկվել 143 հրդեհային բրիգադներ, ընդհանուր առմամբ փրկարարական աշխատանքներ են իրականացրել 1000 հրդեհայիններ։ Փրկարարական աշխատանքների ընթացքում ևս երկու պայթյուն է տեղի ունեցել, ինչը հանգեցրել է մեծ թվով մարդկային զոհերի, հայտնել է հրատարակությունը` հղում անելով քաղաքի հրշեջ ծառայության։
Ինչը կարող էր պայթյունի պատճառ դառնալ դեռ պարզ չէ։ Համացանցում լուրեր են հայտնվել, պահեստում գտնվող պայթյունավտանգ քիմիական նյութերի մասին, որոնք կարող էին աղտոտել մթնոլորտը։
Ավելի քան 40 մարդ է զոհվել Տյանցզինում պայթյունի հետևանքով
Բաժանորդագրվել
Հինգշաբթի գիշերը Տյանցզինում պայթյունից զոհվել է 44 մարդ, 520–ը հոսպիտալացվել են, հայտնում է Սինխուան` հղում անելով փրկարարական աշխատանքներ իրականացնող շտաբին։
