ԵՐԵՎԱՆ, 13 օգոստոսի– Sputnik. Հայտնի մոդել Նատալյա Վոդյանովայի հարազատների հետ Նիժնի Նովգորոդի սրճարաններից մեկում տեղի ունեցած միջադեպից հետո Ռուսաստանի քննչական կոմիտեում քրեական գործ է հարուցվել մարդկային արժանապատվության նվաստացման մասին, հինգշաբթի տեղեկացրեց ՌԴ ՔԿ պաշտոնական ներկայացուցիչ Վլադիմիր Մարկինը։
Ինչպես տեղեկացվում էր ավելի վաղ, մոդելի մոր և սրճարանի սեփականատիրոջ միջև կոնֆլիկտը ծագել է այն բանից հետո, երբ նա խնդրել է սրճարանից դուրս գալ Վոդյանովայի քրոջը` Օկսանային, ով աուտիզմ ունի։
Մարկինի խոսքով` աղջիկն ու նրան ուղեկցող մայրը մտել են սրճարան` ջուր խմելու համար, սակայն ստիպված են եղել հեռանալ` այդպես էլ չսպասելով պատվերին։ Միաժամանակ սրճարանի տնօրենը ոչ միայն խնդրել է անցանկալի հյուրերին հեռանալ սրճարանից, այլ նաև օգնության է կանչել մասնավոր պաշտպանական ձեռնարկության աշխատակիցներին։
Փաստի առթիվ հարուցվել է քրեական գործ «գործողություններ, որոնք ուղղված են մարդկային արժանապատվության նվաստացմանն` սոցիալական խմբի պատկանելիությամբ, որոնք կատարվել են հրապարակային բռնության կիրառմամբ կամ դրա կիրառման սպառնալիքով» հոդվածի հատկանիշներով։
«Քննիչները կպարզեն դրդապատճառները, որոնցով ղեկավարվել է սրճարանի տնօրենը` պահանջելով հեռանալ հաշմանդամին և նրա մորը, «ինչպես նաև իրավական գնահատական կտրվի նաև պահակախմբի գործողություններին, որոնք առանց տարակուսելու կատարել են հաշմանդամ աղջկան դուրս հանելու մասին հրամանը»», – նշվում է ՔԿ–ի հաղորդագրության մեջ։
Նատալյա Վոդյանովան «Մերկ սրտեր» օգնության հիմնադրամի հիմնադիրն է, որն օգնություն է ցուցաբերում զարգացման խախտումներ ունեցող երեխաներին։
Քրեական գործ է հարուցվել սրճարանում Վոդյանովայի քրոջ հետ տեղի ունեցած միջադեպից հետո
14:10 13.08.2015 (Թարմացված է: 18:09 13.08.2015)
© Sputnik / Алексей Куденко
/ Բաժանորդագրվել
Քննչական կոմիտեն կպարզի, թե ինչն է ստիպել Նիժնի Նովգորոդում գտնվող սրճարանի սեփականատիրոջը սրճարանից դուրս հանել մոդել Նատալյա Վոդյանովայի մորն ու մոդելի` աուտիզմով տառապող քրոջը
