ԵՐԵՎԱՆ, 17 օգոստոսի — Sputnik. Գերզգայուն սենսորը, որը թույլ է տալիս հայտնաբերել քաղցկեղային ուռուցքներն ամենավաղ փուլերում, մշակվել է Ռուսաստանում, հայտնում է կրթության և գիտության նախարարությունը։ Ընդ որում, գիտնականները նշում են, որ սարքի չափերը թույլ են տալիս օգտագործել այն այնպիսի սարքերի վրա, ինչպիսիք են սմարթֆոնները։
Նախարարության տվյալներով, ՄՖՏԻ գիտնականները մշակել են նյութերի քիմիական կազմությունը պարզող նանոմեխանիկական սենսոր, որը թույլ է տալիս հայտնաբերել ինչպես չարորակ ուռուցքները, այնպես էլ վիրուսային հիվանդությունների ցուցանիշները, օրինակ, ՄԻԱՎ և հեպատիտ։
«Այս սենսորը հնարավորություն կտա որոշել չարորակ ուռուցքների հայտնվելու և աճի ազդանշանները և ախտորոշել հիվանդությունը դեռ այն փուլու, երբ այսօր հայտնի որևէ մեթոդ դա դեռ չի անում»,– ասվում է մամուլի հաղորդագրությունում։
Նոր սենսորը ոչ միայն գերզգայուն և թեթև կլինի, այլ նաև շատ փոքր։
«Հետազոտողների կատարած հաշվարկները ցույց են տվել, որ նոր ընդունող սարքը կհամադրի բարձր զգայունությունը համեմատական թեթևությամբ և փոքր չափերի հետ, ինչը թույլ է տալիս այն կիրառել բոլոր կրվող սարքերում, օրինակ, սմարթֆոններում»,– ասվում է նախարարության հաղորդման մեջ։
Կառուցվածքի պարզությունը թույլ է տալիս հուսալ, որ սարքի արժեքը քիչ կախված կլինի սենսորների թվից, ասել են նախարարությունում։
Ռուս գիտնականները կօգնեն քաղցկեղը հայտնաբերել սմարթֆոնի միջոցով
16:00 17.08.2015 (Թարմացված է: 17:27 17.08.2015)
© Sputnik / Евгения Новоженина
/ Բաժանորդագրվել
Նյութերի քիմիական կազմը վերլուծելու համար ՄՖՏԻ գիտնականները մշակել են նանոմեխանիկական սենսոր, որը թույլ է տալիս հայտնաբերել չարորակ ուռուցքները շատ ավելի վաղ, քան դրանք կարող է հայտնաբերել հայտնի մեթոդը։ Այդ սենսորը հնարավոր է օգտագործել բոլոր կրվող սարքերի վրա։
