ԵՏՄ–ի շրջանակներում հայկական բիզնեսի հեռանկարները կքննարկվեն Երևանում

ԵՐԵՎԱՆ, 17 օգոստոսի – Sputnik. ԵՏՄ միասնական շուկայի ծառայությունների հետագա ձևավորման և գործարկման պայմաններում հայ գործարարների գործունեության հեռանկարները կքննարկվեն կլոր սեղանի շրջանակներում, որը տեղի կունենա Երևանում օգոստոսի 20-ին, հայտնում է Եվրասիական տնտեսական հանձնաժողովի (ԵՏՀ) մամուլի ծառայությունը։

Միության անդամ են Հայաստանը, Ռուսաստանը, Ղազախստանը, Բելառուսը, ինչպես նաև Ղրղըզստանը, որը պաշտոնապես ԵՏՄ լիիրավ անդամ է դարձել օգոստոսի 12-ին

Կլոր սեղանի աշխատանքների շրջանակում Հայաստանի մայրաքաղաքում կքննարկվեն ԵՏՄ միասնական շուկայի կարգավորման մեխանիզմները, այդ թվում` ԵՏՄ ծառայությունների մատակարարման և ստացման ռեժիմն ու տեսակը, որոնցում արդեն 2015 թվականի հունվարի 1-ից գործում է միասնական շուկան, միասնական ծառայությունների շուկայի գործելու կանոնները, բռնագրավման, սահմանափակման և ծառայությունների միասնական շուկայի ստեղծման խոչընդոտները, ինչպես նաև ազատականացման փուլերը։

Միջոցառմանը կմասնակցեն ԵՏՀ–ի, Հայաստանի միջազգային տնտեսական ինտեգրման և բարեփոխումների նախարարության, ՀՀ քաղաքաշինության և էկոնոմիկայի նախարարությունների և հայկական բիզնեսի ներկայացուցիչներ։

Կլոր սեղանի կազմակերպիչներն են Եվրասիական տնտեսական հանձնաժողովն ու Հայաստանի միջազգային տնտեսական ինտեգրման և բարեփոխումների նախարարությունը։

ԵՏՄ պայմանագրի շրջանակում նախատեսվում է միասնական ծառայությունների շուկայի ձևավորում։ Գերագույն Եվրասիական տնտեսական խորհրդի որոշմամբ

հաստատվել է ԵՏՄ միասնական ծառայությունների շուկայի սեկտորների ցանկը, որոնց մի մասն արդեն գործում է 2015 թվականի հունվարի 1-ից։

ԵՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է այս տարվա հունվարի 1–ից։ Միությունը ստեղծված է ԵՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։