ԵՐԵՎԱՆ, 17 օգոստոսի – Sputnik. Ավանդական դարձած «Մեղրի և հատապտուղների» չորրորդ փառատոնն անցկացվեց կիրակի Տավուշի մարզի Բերդ քաղաքում։
Երկրում զբոսաշրջության զարգացմանն ուղղված փառատոնի մասնակիցները համտեսել են համեղ մեղր, հազվագյուտ պտուղներ և հատապտուղներ, որոնցով հայտնի է Հայաստանի Տավուշի մարզը, ինչպես նաև հայկական ավանդական խոհանոցի ուտեստներ։
Այցելուները նաև հնարավորություն ունեցան տեսնել ներկայացված մթերքից ուտեստների պատրաստման գործընթացը։
Փառատոնին ներկայացված էին նաև հայ արհեստավորների աշխատանքները, ինչպես նաև ելույթ ունեցան ազգային երգուպարի համույթներ։
«Տավուշի հոգևոր վերածնունդ հիմնադրամը», որը միջոցառման կազմակերպիչներից մեկն է, նպատակ ունի խթանել Տավուշի մարզի տնտեսության զարգացումը, տեղական արտադրանքի արտադրությունը` մեղվաբուծություն, պտուղ–բանջարեղենի արտադրություն, ինչպես նաև աջակցել գործարար միջավայրի զարգացմանը։
Միջոցառման կազմակերպիչների թվում էին նաև «Հայ խոհարարական ավանդույթների զարգացում և պահպանում» և «Կանաչ արահետ» ՀԿ–ները։
