«Իսլամական պետությունը» թույլատրել է սեռական հարաբերություններ ունենալ ինը տարեկան աղջիկների հետ

ԵՐԵՎԱՆ, 18 օգոստոսի– Sputnik. Իսլամական պետության մայրաքաղաք Ռաքքայում հայտնվել են պաստառներ, որոնք կոչ են անում քաղաքի բնակիչներին իրենց չամուսնացած աղջիկներին տրամադրել գրոհայիններին, որպեսզի աղջիկները «կարողանան կատարել իրենց պարտքը սեքս–ջիհադում»։ Նրանք, ովքեր կհրաժարվեն, կպատժվեն շարիաթի օրենքներով։ Այս մասին գրում է The Daily Mail–ը։

Բացի այդ, հրապարակվել են մի շարք կանոններ, որոնց համաձայն, մահմեդականները կարող են ամուսնանալ 9 տարեկան աղջիկների հետ, ինչպես նաև թույլատրում է սեռական հարաբերություն ունենալ անչափահաս ստրկուհու հետ։

«Իսլամական պետություն» ահաբեկչական խմբավորումը հայտնվել է Իրաքում 2006թ.–ին։ 2014թ.–ի ամռանը զավթել է Սիրիայի և Իրաքի որոշ տարածքներն ու խալիֆայություն հռչակել Մոսուլ մայրաքաղաքով։ Նույն տարվա օգոստոսից ԱՄՆ–ն ավիահարվածներ է հասցնում խմբավորման դիրքերին։ Գրոհայինների դեմ պայքարելու համար ստեղծվել է միջազգային կոալիցիա։ «Իսլամական պետության» գործունեությունն արգելված է Ռուսաստանի տարածքում։