Աշխարհի ամենատարօրինակ թանգարանները

ԵՐԵՎԱՆ, 19 օգոստոսի – Sputnik. Աշխարհում, բացի մեզ ծանոթ և անծանոթ, բայց, կարծես, սովորական դարձած թեմատիկ թանգարաններից, գոյություն ունեն նաև աներևակայելի թանգարաններ, օրինակ, սննդամթերքների կամ կոյուղու թանգարան։ Թե ո՞րն եք նախընտրում դուք այցելության համար, որոշեք ինքներդ։

worldartdalia.blogspot.com–ը ներկայացնում է աշխարհի 15 ամենաարտասովոր թանգարանները

Պատանեկության տարիքում մարդիկ այդքան էլ չեն սիրում թանգարաններ այցելել, թեպետ  ստիպված գնում են, լինի ամբողջ դասարանով, թե`  ընտանեկան ճանապարհորդության ժամանակ: Ցավոք, այդ տարիների երկարաժամյա զբոսանքները հիացմունք չեն առաջացնում։ Այնուհանդերձ, թանգարանային այցելություններն ունեն նաև դրական կողմեր` այդպիսի զբոսանքները հանում են սթրեսը, զարգացնում են ուղեղը և նույնիսկ կարող են մեզ ավելի խելացի դարձնել։ Անկախ նրանից, թե դուք դիտում եք միջատների գաղութներ կամ Դալիի սյուրռեալիստական ստեղծագործությունները, դուք մի քանի ժամով հայտնվում եք ուրիշ աշխարհում։

Արժե, չէ՞։ Միջատների և նկարների ուսումնասիրությունն իսկապես կարող է հաճելի լինել, իսկ ահա սննդամթերքների ուսումնասիրությունը՞։ Որոշ սննդամթերքների նվիրված են ամբողջ թանգարաններ, օրինակ, Կարտոֆիլի թանգարանն Այդահոյում (Idaho Potato Museum), Թխկիի օշարակի թանգարանը Նոր Անգլիայի Վերմոնտում (New England Maple Museum) կամ Մոմոֆուկու Անդոյի անվան արագ պատրաստման արիշտայի թանգարանն (Momofuku Ando Instant Ramen Museum) Օսակայում։

Ստորև worldartdalia.blogspot.com–ը ներկայացնում է աշխարհի 15 ամենաարտասովոր թանգարանների ցուցակը։ Լսելով դրանց մասին` շատերին կհետաքրքրի, թե ի՞նչն է դրդել մարդկանց դրանց ստեղծմանը։

1.Վատ արվեստի թանգարան Բոստոնում (Museum of Bad Art)
2. Բժշկության պատմության թանգարան(Musée de la Médecine), Բրյուսել
3. Կոյուղու թանգարան Փարիզում (Paris Sewer Museum)
4. Ֆալոսների թանգարան Իսլանդիայում (Icelandic Phallological Museum), Ռեյկյավիկ
5. Մեգուրոյի մակաբույծների թանգարան (The Meguro Parasitological Museum), Տոկիո
6. Վելվետերիա (Velveteria) կամ Թավիշի թանգարան Լոս Անջելեսում
7. Մազերի թանգարաններ ԱՄՆ Միսուրի նահանգում և Թուրքիայում
8.  Սիրիրաժի բժշկական թանգարան (Siriraj Medical Museum) Բանգկոկում
9.  Բատա կոշկեղենի թանգարան (Bata Shoe Museum), Տորոնտո
10. Մումիաների թանգարան Գուանախուատոյում (El Museo De Las Momias), Մեքսիկա
11.  Ապրանքանիշների և գովազդի թանգարան Նոթինգհիլում (Museum of Brands and Advertising), Անգլիա
12. Մահվան թանգարան (Museum of Death) Հոլիվուդում
13.  Կարի մեքենաների թանգարան (Sewing Machine Museum) Անգլիայում
14. Մանանեխի թանգարան (Mustard Museum) Նորֆոլքում
15.  Գլորի հոգեբուժական թանգարան (Glore Psychiatric Museum), Միսուրի

Զարմանալի է, թե ինչի կարող է հասնել մարդկային երևակայությունը, թե դրական ու օգտավետ, դե բացասական առումներով։