Հայպետհիդրոմետ. Հայաստանում օդի ջերմաստիճանը կնվազի

ԵՐԵՎԱՆ, 20 օգոստոսի – Sputnik. Հայաստանում օդի ջերմաստիճանը 21-24-ին կնվազի 7-9, արևելյան շրջաններում` 9-11 աստիճանով հայտնում է ՀՀ ՏԿԱԻՆ–ի հայպետհիդրոմետ ծառայությունը։

Ինչպես նշված է հաղորդագրության մեջ, օգոստոսի 20-ին հանրապետության տարածքը կգտնվի արևադարձային տաք օդային հոսանքների ազդեցության գոտում, հատկապես հովտային և նախալեռնային գոտիներում սպասվում է բարձր ջերմային ֆոն և բարձր կարգի հրդեհավտանգ իրավիճակ, գյուղատնտեսական մշակաբույսերի մոտ կդիտվի ջրազրկում, որից խուսափելու համար անհրաժեշտ է խիստ կերպով վերահսկել ոռոգման ռեժիմը:

Ազգաբնակչությանը խորհուրդ է տրվում խուսափել ֆիզիկական ակտիվությունից և արեգակի անմիջական ճառագայթների տակ գտնվելուց, հատկապես առողջական խնդիրներ և բաց գույնի մաշկ ունեցող անձինք:

Հանրապետության տարածքում օգոստոսի 20-22-ին առավելապես հյուսիսային շրջաններում, 23-24-ին շրջանների մեծ մասում երեկոյան ժամերին և գիշերվա առաջին կեսին սպասվում է կարճատև անձրև և ամպրոպ:

Քամին կլինի հարավարևմտյան` 2-5 մ/վրկ արագությամբ, ամպրոպի ժամանակ սպասվում է քամու ուժգնացում` 15-20 մ/վրկ:

Երևանում օգոստոսի 20-22-ի երեկոյան ժամերին հնարավոր է ամպրոպ, անձրևի հավանականությունը փոքր է, 23-24-ի երեկոյան ժամերին սպասվում է կարճատև անձրև և ամպրոպ: Ամպրոպի ժամանակ հնարավոր է քամու ուժգնացում` 15-20 մ/վրկ արագությամբ:

Առաջիկա շաբաթ մայրաքաղաքում օդի առավելագույն ջերմաստիճանը ցերեկային ժամերին կլինի 37 աստիճան, նվազագույն ջերմաստիճանը` 33 աստիճան։