ԵՐԵՎԱՆ, 21 օգոստոսի– Sputnik. Օգոստոսի 21-ին ժամը 01.31-ին ահազանգ է ստացվել, որ Երևանի Մյասնիկյան պողոտայում գտնվող «Բելլաջիո» ռեստորանային համալիրի մոտակայքում տեղի է ունեցել ՃՏՊ (ավտոմեքենան շրջվել է). անհրաժեշտ է փրկարարների օգնությունը, հաղորդվում է Հայաստանի տարածքային և արտակարգ իրավիճակների նախարարության կայքում:
Դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հանգամանքներում Կենդանաբանական այգու մոտակայքում «Կիա» մակնիշի 269979SYR պետհամարանիշի (վարորդ` Ա. Հ., ծնվ. 1983 թ.) ավտոմեքենան դուրս է եկել ճանապարհի երթևեկելի հատվածից և հայտնվել մայթեզրին:
Հրշեջ-փրկարարները հոսանքազրկել են ավտոմեքենան:
Նույն օրը, ժամը 00.07-ին ահազանգ է ստացվել, որ Սիսիան-Երևան ավտոճանապարհի 24-րդ կմ-ում տեղի է ունեցել ՃՏՊ, կան տուժածներ և անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, Սիսիան-Երևան ավտոճանապարհի 24-րդ կմ-ում՝ Սառնակունք գյուղի մոտակայքում բախվել են «ՎԱԶ-2107» մակնիշի 77 ZZ 377 պ/հ և «ԶիԼ-130» մակնիշի 54 ԼՏ 338 պ/հ ավտոմեքենաները, ինչի հետևանքով «ՎԱԶ-2107» մակնիշի ավտոմեքենայի վարորդ Ա. Գ.-ն տեղում զոհվել է, իսկ Ա. Հ.–ն, Ս. Գ.-ն և Ժ. Ա.-ն տարբեր մարմնական վնասվածքներով տեղափոխվել են Սիսիան քաղաքի ԲԿ. բժիշկները տուժածների առողջական վիճակը գնահատել են բավարար:
Հրշեջ-փրկարարները փակել են ավտոմեքենաների գազի բալոնների փականները և իրականացրել են ավտոճանապարհի լվացման և մաքրման աշխատանքներ:
Գիշերվա այդ հատվածում, ժամը 01.23-ին ահազանգ է ստացվել, որ Սևանա թերակղզու մոտակայքում՝ «Իշխան» լողափի ափամերձ հատվածում, «ԲՄՎ» մակնիշի ավտոմեքենան սահել և հայտնվել է լճում. անհրաժեշտ է հրշեջ-փրկարարների օգնությունը:
Դեպքի վայր է մեկնել մեկ մարտական հաշվարկ:
Ջափրկարարները լճի ափամերձ հատվածից դուրս են բերել «ԲՄՎ» մակնիշի 89 MN 898 պետհամարանիշի ավտոմեքենան:
Այսօր գիշեր հանրապետության տարբեր մարզերում երեք ՃՏՊ է գրանցվել
10:53 21.08.2015 (Թարմացված է: 10:54 21.08.2015)
Բաժանորդագրվել
Օգոստոսի 21-ին ժամը 00.07-ին ահազանգ է ստացվել, որ Սիսիան-Երևան ավտոճանապարհի 24-րդ կմ-ում տեղի է ունեցել ՃՏՊ, կան տուժածներ և անհրաժեշտ է օգնություն
