ԵՐԵՎԱՆ, 21 օգոստոսի– Sputnik. Հայաստանի հավաքականի և Մոսկվայի «Սպարտակի» կիսապաշտպան Արաս Օզբիլիսը կարող է վարձակալության հիմունքներով տեղափոխվել իսպանական «Ռայո Վալյեկանո» ակումբ, գրում է Sports.ru–ն։
Իսպանական ակումբը «Սպարտակին» առաջարկել է 500 հազար եվրո 25–ամյա ֆուտբոլիստի տարեկան վարձակալության համար, մերժում է ստացել, ասվում է հաղորդագրությունում։
Ռուսական ակումբը պահանջում է 1 մլն եվրո, իսկ «Ռայո Վալյեկանոն» մտածելու ժամանակ է վերցրել։ «Սպարտակը» չի շտապում բաժանվել Օզբիլիսից և դիտարկում է միայն հայ կիսապաշտպանի վարձակալության տարբերակը։
Արասը ցանկանում է փոխել ակումբը, քանի որ Դմիտրի Ալենիչևի թիմում չի ստանում խաղային փորձ։ Ընթացիկ խաղաշրջանում Օզբիլիսը ոչ մի խաղ չի անցկացրել «Սպարտակի» կազմում»:
Ֆուտբոլիստը երկար ժամանակ վերականգնվել է ծնկի ծանր վնասվածքից հետո։
ԶԼՄ. Օզբիլիսը կարող է տեղափոխվել իսպանական «Ռայո Վալյեկանո»
14:50 21.08.2015 (Թարմացված է: 11:47 24.01.2016)
© Sputnik / Владимир Песня
/ Բաժանորդագրվել
«Ռայո Վալյեկանոն» հետաքրքված է Օզբիլիսով, սակայն Սպարտակն առաջարկում է միայն ֆուտբոլիստի վարձակալություն
