ԵՐԵՎԱՆ, 24 օգոստոսի – Sputnik. Հայաստանի կենտրոնական բանկը չունի անհրաժեշտ քանակի գործիքներ երկրի արժութային փոխարժեքը կառավարելու համար, կարծում է Հայ ազգային կոնգրեսի ընդդիմադիր պատգամավոր, նախկին վարչապետ Հրանտ Բագրատյանը։
«Աստիճանաբար ազատ շուկայական փոխարժեքին անցնելու փոխարեն ունենք ֆիքսված ու 1-2 տարին մեկ գահավիժող կուրս։ Որովհետև մեր ԿԲ ղեկավարները տիրապետում են միայն մսագործի դանակին ու կացնին։ Այլ գործիքակազմ նրանք այսօր չունեն», – գրել է Բագրատյանը Facebook–ի իր էջում։
Ներկա պահին Հայաստանում դոլարի միջին շուկայական փոխարժեքը կազմում է 477.7 դրամ 1 դոլարի դիմաց։ Ազգային վիճակագրական ծառայության տվյալներով` 2015 թվականի հուլիսին ամերիկյան տարադրամի փոխարժեքը կազմել է 477.3 դոլար մեկ դրամի դիմաց, ինչը 17.2%–ով ավել է անցյալ տարվա նույն ամսվա ցուցանիշից։ Հայաստանում տարադրամի փոխարժեքի կտրուկ արժեզրկումը սկսվել է 2014 թվականի նոյեմբերի 24-ին, երբ դոլարի փոխարժեքը աճեց 16.6 կետով` հասնելով մինչև 435 դրամ մեկ դոլարի դիմաց։
Միջազգային շուկայում առկա իրավիճակի մասին խոսելիս Բագրատյանն արձանագրել է, որ Համաշխարհային տնտեսությունը ցնցումներ է ապրում։
«Դեռևս 2008-ից հետո ասել էինք՝ ոչինչ չի արվել ֆինանսական շուկաների հավասարակշռության համար ու կանխատեսել էինք նոր ցնցումներ», – ասել է նա։
Ընդ որում, Բագրատյանի խոսքերով, խոսքը ոչ թե ընդհանրապես աշխարհի, այլ առանձին ռեգիոնների մասին է։
«Հերթը Չինաստանինն է, որը մինչ այժմ շահում էր ցածր նավթի գներից։ Ամերիկացիները ձևը գտել են. հունիս-օգոստոսին չինական արժեթղթերը նվազել են 60%-ով։ ԱՄՆ-ն սկսել է այդ կերպ կանխիկ դոլարը ետ տանել նահանգներ», – ասել է նա։
Պատգամավորը նշել է, ոչ Չինաստանը մի զենք ունի՝ բացառիկ մեծ ներքին շուկան, սակայն որքան է այն արդյունավետ, կերևա առաջիկայում։
Բագրատյանի խոսքերով` ցնցումների հիմնական նպատակը կարելի է բնութագրել հետևյալ կերպ. «թող որ մենք տուժենք, բայց դուք կտուժեք տասնապատիկ շատ»։
Ասիական–Խաղաղօվկիանոսյան տարածաշրջանների ֆոնդային հարթակները երկուշաբթի անկում կարձանագրեն` կորցնելով 3-4% ՉԺՀ բորսաներին հետո, որոնք ընկել են 7-8% երկրի տնտեսության հեռանկարների համար մտավախությունների ֆոնին։
