Հայաստանում առաջիկա օրերին սպասվում է անձրև, ամպրոպ և կարկուտ

ԵՐԵՎԱՆ, 25 օգոստոսի – Sputnik. Հանրապետության տարածքում օգոստոսի 25-26-ին ժամանակ առ ժամանակ, 27-29-ին առավելապես երեկոյան ժամերին և գիշերվա առաջին կեսին շրջանների մեծ մասում սպասվում է անձրև և ամպրոպ, առանձին վայրերում հնարավոր է կարկուտ, տեղեկացնում է Հայպետհիդրոմետը:

Քամին կլինի արևմտյան` 2-5 մ/վրկ արագությամբ, ամպրոպի ժամանակ սպասվում է քամու ուժգնացում` 15-20 մ/վրկ:

Օդի ջերմաստիճանը օգոստոսի 25-ին կնվազի 2-4 աստիճանով, այնուհետև էապես չի փոխվի:

Երևանում օգոստոսի 25-26-ին ժամանակ առ ժամանակ, 27-29-ին առավելապես երեկոյան ժամերին և գիշերվա առաջին կեսին սպասվում է անձրև և ամպրոպ: Ամպրոպի ժամանակ հնարավոր է քամու ուժգնացում` 15-20 մ/վրկ արագությամբ:

Այսօր ցերեկը Երևանում սպասվում է 25-27 աստիճան տաություն։