ԵՐԵՎԱՆ, 28 օգոստոսի– Sputnik. Պենտագոնի ղեկավար Էշթոն Քարթերը հայտարարել է, որ ԱՄՆ–ն երկու սպառնալիք ունի` Իսլամական պետությունը (ԻՊ) և Ռուսաստանը, որոնց երկուսին էլ պետք է դիմակայել։
Նախարարն առաջին տեղում նշել է «ԻՊ անունով հրեշավոր ֆենոմենը, որի հետ մենք պետք է պայքարենք և որին մենք կհաղթենք»։
Երկրորդ հերթին Քարթերն անվանել է Ռուսաստանի` վերջին տարում վարած քաղաքականությունը։
«Մենք պետք է հակազդենք ՌԴ գործողություններին մեր ազգային շահերի տեսանկյունից, քանի որ մենք կարևոր դաշնակիցներ և գործընկերներ ունենք այդ աշխարհամասում, ինչպես նաև մենք կարևոր պարտավորություններ ունենք ՆԱՏՕ–ում»,– ասել է Քարթերը։
Միաժամանակ նախարարը կարծիք է հայտնել, որ Ուկրաինայում ՌԴ–ն ղեկավարության գործողությունները «ռուսներին սխալ ուղղությամբ են տանում», քանի որ դա ուժեղացնում է առճակատումն այլ երկրների հետ։
Պենտագոնի ղեկավարը կոչ է արել դիմակայել ԱՄՆ–ի գլխավոր սպառնալիքներին` «Իսլամական պետություն» խմբավորմանն ու Ռուսաստանին
© Sputnik
/ Բաժանորդագրվեք
Պենտագոնի ղեկավար Էշթոն Քարթերը հայտարարել է, որ Ռուսաստանի գործողությունները վերջին տարում ուժեղացնում են այլ երկրների հետ առճակատումը
