ԵՐԵՎԱՆ, 8 սեպտեմբերի – Sputnik. Հայկական ԶԼՄ–ները պարզել են Հայաստանի ազգային անվտանգության ծառայության պետական օբյեկտների պահպանության վարչության աշխատակցի ինքնասպանության փորձի պատճառը։
Առկա տեղեկատվությամբ` նախօրեին ԱԱԾ պետական օբյեկտների պահպանության վարչության աշխատակից Լյուդվիգ Հովհաննիսյանը կառավարության շենքում Մակարովի տաբելային ատրճանակից կրակել է իր գլխին։ 36–ամյա տղամարդուն տեղափոխել են թիվ 1 համալսարանական հիվանդանոց, որտեղ վիրահատվել է։ Ինչպես երեքշաբթի գրում է «Հրապարակ» թերթը, ինքնասպանության փորձի ԱԱԾ աշխատակցին հասցրել են ֆինանսական խնդիրները։ Պարբերականի տեղեկությամբ` Հովհաննիսյանը մեծ պարտքեր է ունեցել, ինչի մասին գրել է իր գրության մեջ։
Թիվ 1 համալսարանական հիվանդանոցի գլխավոր բժիշկ Կարեն Սահակյանը նշել է, որ վիրահատությունը հաջող է անցել, սակայն Հովհաննիսյանի վիճակը ծանր է։
«Հովհաննիսյանը տեղափոխվել է վերակենդանացման բաժանմունք, միացվել է արհեստական շնչառության սարքին»,– ասել է Սահակյանը։
ԶԼՄ–ները պարզել են կառավարության շենքի պահպանության աշխատակցի ինքնասպանության փորձի պատճառը
12:26 08.09.2015 (Թարմացված է: 16:12 03.06.2016)
© Sputnik / Асатур Есаянц
Բաժանորդագրվեք
Թիվ մեկ համալսարանական հիվանդանոցի գլխավոր բժիշկ Կարեն Սահակյանի խոսքով` նրան վիրահատել են, սակայն վիճակը ծանր է։
