ԵՐԵՎԱՆ, 9 սեպտեմբերի– Sputnik. Վերջին երկու օրում Երևանում վերելակների աշխատանքի խափանումների հետ կապված միանգամից երեք դեպք է։
Ինչպես նշված է տարածքային կառավարման և արտակարգ իրավիճակների նախարարության կայքում, չորեքշաբթի առավոտյան ահազանգ է ստացվել, որ Կոմիտասի պողոտայում գտնվող շենքերից մեկի վերելակի մեջ մարդ է մնացել և պահանջվում է փրկարարների օգնությունը։
Դեպքի վայր է ժամանել մարտական հաշվարկ։ Հրշեջ–փրկարարները մասնագետների հետ օգնել են մարդուն դուրս գալ վերելակի խցիկից, որը մնացել էր վերելակում էլեկտրաէներգիան անջատվելու հետևանքով։
Հատկանշական է, որ երկու նման միջադեպ է արձանագրվել մեկ օր առաջ` երեքշաբթի։
Մի դեպքում վերելակը խափանվել է Պուշկինի փողոցում գտնվող բազմաբնակարանային շենքում, իսկ երկրորդ դեպքը տեղի է ունեցել Արշակունյաց փողոցում։ Երկու վերելակների աշխատանքում խափանումը տեղի է ունեցել տեխնիկական անսարքության պատճառով։
Բարեբախտաբար տուժածները փրկարարների օգնությամբ բարեհաջող դուրս են եկել վերելակներից։
Վերելակը թակա՞րդ է, թե տեղափոխվելու միջոց
© Sputnik / Владимир Федоренко
/ Բաժանորդագրվեք
Դեպքերից մեկը տեղի է ունեցել Երևանում վաղ առավոտյան, մյուս երկուսը` նախօրեին
