Դոմինիկանայում աղջիկները 12 տարեկանում տղա են դառնում

© Pixabay / Rainer_MaioresНоворожденный ребенок
Новорожденный ребенок - Sputnik Արմենիա
Բաժանորդագրվեք
Yandex newsTelegram
Դոմինիկյան Հանրապետությունում ապրում է մարդկանց մի խումբ, որոնք լույս աշխարհ են գալիս որպես աղջիկ, իսկ սեռական հասունացման տարիքում սկսում են տղայի վերածվել

ԵՐԵՎԱՆ, 23 սեպտեմբերի – Sputnik. Գիտնականները Դոմինիկանայում հայտնաբերել են այնպիսի մարդկանց, որոնց երեխաները աղջիկ են ծնվում, իսկ 12 տարեկանում տղա են դառնում։ Սեռական հասունացման տարիքում նրանց մոտ տղամարդու սեռական հատկանիշներ են ի հայտ գալիս։

Արտասովոր երեխաների մասին պատմությունն ընդգրկվել է «Հետադարձ հաշվարկ դեպի կյանք» (Countdown to Life) BBC2–ի ֆիլմում։ Ֆիլմում պատմվում է մարդու ներարգանդային զարգացման, ինչպես նաև այն մասին, թե ինչ փոփոխություններ է կրում սաղմը, և ինչպես են դրանք ազդում նրա հետագա կյանքի վրա։

Ֆիլմի հերոսը 24–ամյա Ջոնին է։ Տեղի բնակիչներն այդ մարդկանց անվանում են «գևեդոսե»։ Ջոնին, ինչպես նրա նման շատերը, դաստիարակվել են աղջկա պես, քանի որ նա ծնվել է առանց տղամարդու սեռական օրգանների։ և միայն անցումային տարիքում նրա մոտ սկսել է առնանդամ ձևավորվել։

Երիտասարդը պատմել է, որ իր անունը Ֆելիսիտա է եղել, դպրոց գնալիս զգեստ է հագել, բայց նրան երբեք դուր չի եկել իր աղջկական վարքագիծը։ Երբ Ջոնիի սեռական պատկանելիությունն ակնհայտ է դարձել, դպրոցում նրան սկսել են ծաղրել։ «Ինձ ասում էին, որ սատանա եմ, ինձ վատ խոսքեր էին ասում, և ես ստիպված կռվում էի նրանց հետ»,– պատմել է երիտասարդը։

Մեկ այլ երեխա էլ, որին բոլորը աղջիկ էին համարում, և նրա անունը Կառլա էր, սկսել է տղայի վերածվել յոթ տարեկանում։ Գիտնականները որոշել են պարզել, թե որն է այդ սեռափոխության գաղտնիքը։ Նմանատիպ փորձեր եղել են դեռևս նախորդ դարի 70–ական թվականներին։ Պարզվել է, որ ամեն ինչ կապված է քրոմոսոմների հետ։

Սաղմի սեռը սաղմնավորումից հետո առաջին շաբաթներում դեռ պարզ չէ` պետք է անցնի մոտ ութ շաբաթ, որ սկսեն ձևավորվել նրա սեռական օրգանները։ Եթե կինը տղայի է սպասում, ամորձիների առաջացման գործընթացը ղեկավարում է Y-քրոմոսոմը։ Դրանք, իրենց հերթին, սկսում են թեստոսթերոն հորմոնն արտադրել, և երեխայի մոտ տղամարդու սեռական օրգաններ են ձևավորվում։ Աղջիկների մոտ այս գործընթացները ղեկավարում է X-քրոմոսոմը։ 9-10–րդ շաբաթում սաղմի մոտ ձևավորվում է առնանդամը կամ ծլիկը։

Գևեդոսե–երեխաների ուսումնասիրությունը ցույց է տվել, որ նորածինների մոտ պակասում է 5-ալֆա–ռեդուկտազա ֆերմենտը, որն ազդում է սեռական օրգանների ձևավորման վրա։ Այդ պատճառով դեռահասների մարմինը սկսում է ձևափոխվել անցումային տարիքում` «հորմոնային պայթյունի» ժամանակահատվածում։ Թեստոսթերոնի ակտիվ արտադրման պատճառով գևեդոսեների մոտ սկսում են դրսևորվել իրենց սեռին բնորոշ հատկանիշներ։

«Աղջիկ» ծնված տղաները հետագայում այդքան էլ չեն տարբերվում իգական սեռի ներկայացուցիչներից։ Նրանք կարող են ավելի ցածրահասակ լինել, պակաս մազածածկույթ ունենալ դեմքին, սակայն նորմալ սեռական կյանք վարելու և երեխաներ ունենալու վրա դա չի ազդում։

Լրահոս
0