ԵՐԵՎԱՆ, 2 հոկտեմբերի – Sputnik. Պաշտոնեական չարաշահումներ և խախտումներ են հայտնաբերվել «Հայաստանի էլեկտրացանցեր» ՓԲԸ–ում, «Հայկական ժամանակ» թերթին հայտնում են Հանրային ծառայությունները կարգավորող հանձնաժողովի աղբյուրները։
«Ներկայում ուսումնասիրվում է «Հայաստանի էլեկտրական ցանցեր» ՓԲԸ բարձրաստիճան պաշտոնյաների իրականացրած կոպիտ չարաշահումների վերաբերյալ մի դեպք։ Պարզվել է, որ ՀԷՑ իրացման գծով տնօրենի տեղակալ, էլեկտրաէներգիայի հաշվառման և հսկման դեպարտամենտի պետ Արսեն Գաբրիելյանը չարաշահումների և խախտումներ է թույլ տվել։ Ստուգող մարմինները պարզել են, որ Տավուշի մարզի Ծաղկավան գյուղում, Հախում գետի վրա գործող «Սիրարփի» փոքր ՀԷԿ-ը արտադրել է քիչ էլեկտրաէներգիա, բայց ՀԷՑ-ից ստացել է ավելի շատ գումար»,–գրում է թերթը։
Թերթի հավաստմամբ, երբ ՀԷՑ-ը ՀԷԿ-երից գնում է էլեկտրաէներգիա, փաստաթղթերում դրվում է հենց Աշոտ Թոխունցի ստորագրությունը, Եվգենի Բիբինն անձամբ պարտավոր չէ վերահսկել այդ գործարքները։ Հետևաբար, ողջ պատասխանատվությունը, ըստ ՀԾԿՀ հաղորդման, մնում է Արսեն Գաբրիելյանի վրա, սակայն պետք է ուսումնասիրել նրա անմիջական ղեկավարների գործունեության օրինականությունը նույնպես։
Նոր սկանդալ ՀԷՑ-ում. գնվել է ավելի քիչ էլեկտրաէներգիա, քան ցույց է տրվել փաստաթղթերով
09:47 02.10.2015 (Թարմացված է: 17:48 12.10.2015)
© Sputnik / Валерий Шустов
/ Բաժանորդագրվեք
Ծրագրային կեղծումներ են կատարվել ՓՀԷԿ-ի արտադրությունը չափող հաշվիչներում
