ԵՐԵՎԱՆ, 4 հոկտեմբերի — Sputnik. Այսօր Միացյալ Նահանգների խնդիրների պատճառն այն է, որ երկիրը կորցրել է առանցքային արժեքը` սերը ներքին ազատության հանդեպ, գրում է լրագրող Թոդ Վուդը The Washington Times-ի համար գրած հոդվածում: Նա կարծում է, որ ազգային մեծության վերադարձը հնարավոր է միայն ազատության ձգտում ունենալու դեպքում: Լրագրողն ընդգծում է, որ խոսում է այնպիսի երևույթների մասին, որոնց վրա ամերիկացիները նախընտրում են աչք փակել:
Սակայն «ճշմարտությունը լավագույն սպեղանին է»,- գրում է Վուդը: Նա քննադատում է Օբամայի քաղաքական ուղղվածությունը, քանի որ նրա քաղաքականությունն անկախ նրանից, վերաբերում է դա Իրանի հետ «միջուկային» համաձայնությանը, Մերձավոր Արևելքից զորքերի դուրսբերմանը կամ Իրաքում և Սիրիայում «Իսլամական պետության» դեմ պայքարի իմիտացիային, միևնույն է՝ նպաստում է աշխարհում ԱՄՆ-ի ազդեցության նվազմանը:
Վուդի կարծիքով, ազատության խնդիրն այլևս չի հուզում ԱՄՆ-ի ղեկավարին: Նա մեջբերում է Բարաք Օբամայի ելույթը ՄԱԿ-ի Գերագույն վեհաժողովում, որտեղ ամերիկացի նախագահը պնդում էր, թե «ինքը պատմության ընթացքում աշխարհի ամենահզոր բանակի գլխավոր հրամանատարն է»: Նույնիսկ ԱՄՆ-ի նախկին նախագահ Ջորջ Բուշ կրտսերը, չնայած իր բոլոր սխալներին, սկզբունքային մարդ էր, նշում է Վուդը: Բուշ կրտսերը հաղթանակի գաղափարների ջատագով էր: Վուդի խոսքով՝ Օբամայի վարչակազմի օրոք կոռուպցիան ներթափանցել է իշխանական բազմաթիվ կառույցներ, այդ թվում` Գաղտնի ծառայություն, շրջապատող միջավայրի գործակալություն, հարկային ծառայություն: «Այսօր մեր երեխաները նույնիսկ չգիտեն, թե ինչ է ազատությունը»,- ասում է Վուդը:
The Washington Times: Օբաման ամերիկացիներին զրկում է ազատությունից
09:39 04.10.2015 (Թարմացված է: 17:48 12.10.2015)
© Sputnik / Сергей Гунеев
/ Բաժանորդագրվեք
Ազատությունը, որի արժեքների համար ամերիկացիները պայքարել են վերջին 250 տարիներին, այլևս արժեք չի ներկայացնում Բարաք Օբամայի վարչակազմի համար, նշում է լրագրող Թոդ Վուդը The Washington Times-ի համար գրած հոդվածում
