Կոտայքի մարզում վարորդն ու ուղևորն այրվել են մեքենայում

ԵՐԵՎԱՆ, 4 հոկտեմբերի –Sputnik. Հոկտեմբերի 4-ին ողբերգական ավտովթար է գրանցվել Կոտայքի մարզում:

Ինչպես հայտնում է shamshyan.com-ը, ժամը 07:30-08:00-ի սահմաններում Երևան-Սևան ավտոճանապարհի 43-րդ կմ հատվածում Opel մակնիշի ավտոմեքենայի վարորդը դեպի Երևան ընթանալիս` դուրս է եկել ճանապարհի երթևեկելի գոտուց, բախվել կամրջի հարևանությամբ գտնվող էլեկտրասյանը և գլխիվայր շրջվել:

Շրջվելու հետևանքով ավտոմեքենայում հրդեհ է բռնկվել` այն վերածելով մոխրակույտի, իսկ մեքենայում գտնվող վարորդն ու ուղևորը ամբողջովին այրվել են:

Ոստիկանությունն ու քննչական բաժինը պարզում են մահացածի և վարորդի ինքնությունը: Փաստի առթիվ հարուցվել է քրեական գործ` ՀՀ քր. օր.-ի 242 հոդվածի 3-րդ մասի (ճանարպարհատրանսպորտային պատահար, որն առաջացրել է մեկից ավելի մարդու մահ) հատկանիշներով: Հրշեջ-փրկարարները մեծ դժվարությամբ են կարողացել դիերը դուրս բերել ավտոմեքենայից, որից հետո ավտոմեքենան դարձի բերելով` տեղափոխել են ոստիկանության Հրազդանի բաժնի պահպանվող հատուկ տարածք:

Ավելի մանրամասն կարող եք կարդալ սկզբնաղբյուր կայքում: