ԵՐԵՎԱՆ, հոկտեմբերի 6– Sputnik. HighFest-2015 թատերական փառատոնի արտասահմանյան մասնակիցները երեքշաբթի լրագրողներին պատմեցին իրենց ներկայացումների մասին, որոնք կարող են դիտել երևանյան փառատոնի հանդիսատեսները։
Ինչպես հաղորդեց մոսկովյան ռեժիսոր, «Առարկայի որոնում» փորձարարական թատրոնի ղեկավար Ալեքսեյ Բաղդասարովը, նրա թատերախումբը դեռ պետք է ելույթ ունենա այստեղ իր «Այո, ես ուզում եմ, այո» ներկայացմամբ։
«Դա մոնոներկայացում է Ջոյս Ուլիսի «Պենելոպա» վեպի հիման վրա, որտեղ խաղում է Օլգա Պրիխուդայլովան»,– հավելեց ռեժիսորը։
Բաղդասարովն արդեն երրորդ անգամ է մասնակցում Երևանի փառատոնին. 2010թ.–ին նա հայ հանդիսատեսին ներկայացրել է «Ապոկալիպսի մեկնաբան» մոնոներկայացումը, իսկ 2014թ.–ին դերասաններ Նելլի Ուվարովայի և Դմիտրի Վիսոցկու հետ` Ստրինդբերգի «Պար» ներկայացումը։
Իտալացի երաժիշտ Նիկոլա Արատան նշեց, որ հանդիսատեսի համար պատրաստել է «Արարատ» ներկայացումը` կազմված երկու մասերից։ Պիեսի առաջին մասը գրված է հատուկ HighFest–ի համար, իսկ երկրորդը` իրենից ներկայացնում է հայկական և իտալական մշակույթների յուրահատուկ խառնուրդ։
«Ներկայացման առաջին մասում երեք բաժին կա, որոնք կրում են Հայաստանի պատմական վայրերի անունները` «Գառնի», «Գեղարդ» և «Խոր Վիրապ», իսկ վերջին մասը կոչվում է «Արագած»,– հավելեց Արատան։
HIGHFEST թատերական փառատոնը մեկնարկում է հոկտեմբերի 1–ին «ՆՓԱԿ» նորարար փորձառական արվեստի կենտրոնում և կտևի մինչև հոկտեմբերի 8–ը։
Առաջին անգամ HAY FEST–ն անցկացվել է 2003թ.–ին։ Փառատոնի նպատակն է ներկայացնել հայ հանդիսատեսին համաշխարհային թատերական մշակույթը, նպաստել Հայաստանում թատերական արվեստի զարգացմանը և ներկայացնել այն միջազգային մակարդակում։
Sputnik Արմենիա պորտալը փառատոնի տեղեկատվական հովանավորն է։
Ռուսաստանի և Իտալիայի մասնակիցները պատմել են, թե ինչ պիեսներ են ներկայացրել HighFest-2015–ին
20:26 06.10.2015 (Թարմացված է: 17:50 12.10.2015)
Բաժանորդագրվել
HighFest-2015 միջազգային փառատոնը մեկնարկել է հոկտեմբերի 1–ին և կտևի մինչև հոկտեմբերի 8–ը
