ՄԱԿ–ի Գլխավոր վեհաժողովի նախկին նախագահին ձերբակալել են կաշառակերության համար

© Sputnik / РИА Новости / Անցնել մեդիապահոցЗдание ООН
Здание ООН - Sputnik Արմենիա
Բաժանորդագրվեք
НовостиTelegram
Մեղադրանք է ներկայացվել նաև ԳՎ–ի նախկին նախագահի չորս «հանցակիցներին»

ԵՐԵՎԱՆ, 7 հոկտեմբերի– Sputnik. Կալանքի տակ են վերցրել ՄԱԿ–ի Գլխավոր վեհաժողովի նախկին նախագահ և Անտիգուա և Բարբուդայի մշտական ներկայացուցիչ Ջոն Էշը, հաղորդում է BBC–ին։

Ավելի վաղ հաղորդվում էր, որ Նյու Յորքի դատախազությունը հոկտեմբերի 6–ին մեղադրանք է ներկայացրել Էշին չինացի գործարարների կողմից 1,3 մլն դոլարի չափով կաշառք ստանալու մեջ։ Մասնավորապես, 500 հազար դոլարի դիմաց Էշը փաստաթղթեր է պատրաստել ՄԱԿ–ի գլխավոր քարտուղարի համար, որոնք վկայում են Մակաոյում ՄԱԿ–ի կոնֆերանս–կենտրոնի կառուցման անհրաժեշտության մասին։ Համալիրի կառուցմամբ զբաղվում էր միլիարդատեր Նըգ Լապ Սենգի ընկերությունը։

Կանխիկ գումարից բացի, Էշին «նվիրել են»  Rolex ժամացույց, BMW մակնիշի ավտոմեքենա, նրա տան տարածքում կառուցվել է 30 հազար դոլար արժողությամբ բասկետբոլի մասնավոր կորտ։ Էշը և նրա ընտանիքի անդամները հանգստացել են նաև Նոր Օռլեանի բարձրակարգ հյուրանոցում, որի մեկ օրն արժեցել է 850 դոլար։ Պարզվել է նաև, որ չինացի գործարարի միջնորդների օգնությամբ Էշի կինը ստացել է ամսական 2,5 հազար դոլար աշխատավարձով աշխատանք ոչ կառավարական կազմակերպություններից մեկում, որը զբաղվում է կլիմայի փոփոխության հարցերով։

Էշից բացի, մեղադրանքներ են ներկայացվել նաև չորս գործարարների, որոնց կասկածում են այս կոռուպցիոն սխեմայի հետ կապ ունենալու մեջ։

ԱՄՆ դաշնային դատախազ Պրիտ Բհարարան հայտարարել է, որ «ստացված կաշառքով նա վաճառել է իրեն և իր գլխավորած կառույցը։ Ագահության պատճառով նրանք ՄԱԿ–ը վերածել են շահույթ կորզելու հարթակի»։

ՄԱԿ–ի գլխավոր քարտուղար Պան Գի Մունն ավելի վաղ հայտարարել է, որ «ցնցված և խորապես մտահոգված է» առաջադրված մեղադրանքների պատճառով։

Լրահոս
0