ԵՐԵՎԱՆ, 7 հոկտեմբերի– Sputnik. Սահմանադրության փոփոխությունն այն հարցը չէ, որը կարող է հասարակության շրջանում «ոչ» —եր հավաքել, մարդիկ իրենց դիրքորոշումը պետք է արտահայտեն հանրաքվեի ժամանակ: Չարժե քաղաքականացնել այս որոշումը: Sputnik Արմենիա ռադիոկայանի հետ զրույցում նման տեսակետ է հայտնել սահմանադրագետ Վարդան Այվազյանը՝ խոսելով Ազգային ժողովի ընդունած «Սահմանադրական փոփոխությունների նախագիծը հանրաքվեի դնելու մասին» օրինագծի մասին:
Օրենքի նախագիծն ընդունվեց 104 կողմ, 10 դեմ, 3 ձեռնպահ ձայներով: Սահմանադրագետն այս արդյունքներն ամենեւին էլ անսպասելի չի համարում: Նրա խոսքով՝ մեր երկրում ոչ մի արդյունքից չի կարելի զարմանալ:
«Ե՛վ կողմ, և՛ դեմ քվեարկած պատգամավորներն արժանի են հարգանքի՝ իրենց դիրքորոշումն արտահայտելու համար, իսկ ձեռնպահների համար կամ միևնույն է սահմանադրությունը, կամ նրանք չեն հասկացել այն: Ձեռնպահ երևույթը պետք է վերանա Ազգային ժողովից»,- ասել է նա:
Այսուհանդերձ, սահմանադրագետին չեն գոհացրել Ազգային ժողովում տեղի ունեցած քննարկումները: Նրա խոսքով՝ պատգամավորների իրավական գիտելիքների ներուժը չի համապատասխանում «սահմանադրություն» երևույթի մակարդակին: «Ազգային ժողովում քննարկումներն անցել են քաղաքական հարթության մեջ»,-նկատել է բանախոսը:
Սահմանադրության այն տեքստը, որը հասանելի էր հանրությանը, ԱԺ քննարկումների ժամանակ ենթարկվել է որոշակի փոփոխությունների, որը, ինչպես նշում է Այվազյանը, հասանելի չէ մեզ: «Սահմանադրության փոփոխմանը մենք մոտեցել ենք, որպեսզի սահմանադրական օբյեկտների էությունը հստակեցվի, ինչը միտված է սահմանադրության միանշանակ ընկալմանը բոլորի կողմից»,- կարծում է նա:
Ինչ վերաբերում է ՀՀ երկրորդ նախագահ Ռոբերտ Քոչարյանի հայտարարությանը, ըստ որի՝ Սահմանադրության փոփոխությունների նախագծի 89-րդ հոդվածը միտված է ապահովել մեկ կուսակցության գերակայությունը խորհրդարանում, ապա Վարդան Այվազյանի խոսքով՝ այս հայտարարությունն իրավական առումով հիմնավորված չէ:
«Նշված մոտեցումը քաղաքական հարթության մեջ է, իրավական վերլուծություն չկա: Բազմակարծությունը, ժողովրդավարական ընտրությունները կապված են քաղաքական ուժերի գիտակցության, այլ ոչ թե սահմանադրության հետ: Սա պայմանավորված է կուսակցությունների քաղաքական հասունությամբ»,- շեշտադրել է սահմանադրագետը:
Այսուհանդերձ, սահմանադրագետին չեն գոհացրել Ազգային ժողովում տեղի ունեցած քննարկումները: Նրա խոսքով՝ պատգամավորների իրավական գիտելիքների ներուժը չի համապատասխանում «սահմանադրություն» երևույթի մակարդակին: «Ազգային ժողովում քննարկումներն անցել են քաղաքական հարթության մեջ»,-նկատել է բանախոսը:
Սահմանադրության այն տեքստը, որը հասանելի էր հանրությանը, ԱԺ քննարկումների ժամանակ ենթարկվել է որոշակի փոփոխությունների, որը, ինչպես նշում է Այվազյանը, հասանելի չէ մեզ: «Սահմանադրության փոփոխմանը մենք մոտեցել ենք, որպեսզի սահմանադրական օբյեկտների էությունը հստակեցվի, ինչը միտված է սահմանադրության միանշանակ ընկալմանը բոլորի կողմից»,- կարծում է նա:
Ինչ վերաբերում է ՀՀ երկրորդ նախագահ Ռոբերտ Քոչարյանի հայտարարությանը, ըստ որի՝ Սահմանադրության փոփոխությունների նախագծի 89-րդ հոդվածը միտված է ապահովել մեկ կուսակցության գերակայությունը խորհրդարանում, ապա Վարդան Այվազյանի խոսքով՝ այս հայտարարությունն իրավական առումով հիմնավորված չէ:
«Նշված մոտեցումը քաղաքական հարթության մեջ է, իրավական վերլուծություն չկա: Բազմակարծությունը, ժողովրդավարական ընտրությունները կապված են քաղաքական ուժերի գիտակցության, այլ ոչ թե սահմանադրության հետ: Սա պայմանավորված է կուսակցությունների քաղաքական հասունությամբ»,- շեշտադրել է սահմանադրագետը:
