ԵՐԵՎԱՆ, 8 հոկտեմբերի– Sputnik. Waze նավիգացիոն ծառայությունը հրապարակել է ճանապարհներին ամենաերկար խցանումներով քաղաքների վարկանիշը, հաղորդում է Lenta.ru–ն։ Հետազոտության տվյալներով` աշխարհում ամենաերկար խցանումները լինում են Կոլումբիայի Վիլյավիսենսիո քաղաքում։
Waze ծառայության` ճանապարհների ծանրաբեռնվածության վարկանիշում են Լոնդոնը, Ջակարտան, Միլանը և Երուսաղեմը։ Մոսկվան հայտնվել է 9–րդ հորիզոնականում։
Աշխարհի ամենաշատ խցանումներով 20 քաղաքներից հինգը գտնվում են Միացյալ Նահանգներում։ INRIX և Texas A&M Transportation Institute հետազոտության տվյալների համաձայն` անցյալ տարի ամերիկացիները միջինը խցանման մեջ անցկացրել են 42 ժամ։ Այսինքն, տարեկան մեկ աշխատանքային շաբաթից ավել ծախսվում է խցանումների վրա։
Հետազոտության արդյունքում ստացված տեղեկատվությունը տարբերվում է այլ նավիգացիոն համակարգերից նրանով, որ Waze–ն ունի օգտատերերի մեծ բազա։ Վարորդները և ուղևորները բջջային հավելվածի օգնությամբ հաղորդում են ճանապարհներին իրավիճակի, վթարների, ճանապարհային աշխատանքների և ճանապարհին ոստիկանության ներկայության մասին։
Google ընկերությունը ձեռք է բերել Waze ծառայությունը 2013թ.–ին 1 միլիարդ դոլարով և դրանից հետո օգտագործում է նրա որոշ հզորություններն իր Google Maps քարտեզների համար։
Հայտնի է աշխարհի ամենաերկար խցանումներով քաղաքը
18:51 08.10.2015 (Թարմացված է: 17:51 12.10.2015)
© Sputnik / Владимир Вяткин
/ Բաժանորդագրվել
Waze ծառայության ճանապարհների ծանրաբեռնվածության վարկանիշի մեջ են Լոնդոնը, Ջակարտան, Միլանը և Երուսաղեմը։ Մոսկվան հայտնվել է 9–րդ հորիզոնականում
