ԵՐԵՎԱՆ, 14 հոկտեմբերի – Spuntik. Սիրիայում զինված հակամարտության ֆոնին Արևմուտքը կփորձի Հայաստանին ներքաշել պատերազմի մեջ, կարծում է Երևանի աշխարհաքաղաքական ակումբի ղեկավար Արման Բոշյանը։
«Դատեք ինքներդ, երբ Ռուսաստանի ՌՕՈւ–ն խախտեց Թուրքիայի օդային տարածքը, ի պատասխան դրան խախտվեց Հայաստանի օդային տարածքը», – չորեքշաբթի մամուլի ասուլիսի ժամանակ ասաց Բոշյանը։
Հոկտեմբերի 6-ին և 7-ին Թուրքիայի ուղղաթիռները խախտել են Հայաստանի օդային տարածքը Արմավիրի շրջանում։ Հայաստանի քաղաքացիական ավիացիայի գլխավոր վարչության տվյալների համաձայն, թուրքական կողմը միջադեպը բացատրել է վատ եղանակային պայմաններով։
Բոշյանի խոսքով, տարածաշրջանում և հատկապես Սիրիայում լուրջ փոփոխություններ են տեղի ունենում, ինչը նոր աշխարհակարգի հաստատման կհանգեցնի ։ «Ռուսաստանը և նրա ռազմավարական գործընկերները միանգամայն այլ կարգավիճակ ձեռք կբերեն», – կարծում է նա։
Բոշյանը դժվարացավ ասել` պատահակա՞ն է այն, որ սահմանադրական բարեփոխումների գործընթացը համընկել է աշխարհի գլոբալ փոփոխությունների հետ
«Սրանից կփորձեն օգտվել որոշակի ուժեր, որպեսզի Հայաստանում ապակայունացնեն իրավիճակը», – կարծում է նա։
Հայաստանի նախագահ Սերժ Սարգսյանի ստորագրած հրամանի համաձայն, սահմանադրական բարեփոխումների հանրաքվեն կանցկացվի դեկտեմբերի 6-ին։
Փորձագետ. Արևմուտքը կփորձի Հայաստանին պատերազմի մեջ ներքաշել
© Sputnik / Stringer /
/ Բաժանորդագրվեք
Երևանի աշխարհաքաղաքական ակումբի ղեկավար Արման Բոշյանի խոսքով` տարածաշրջանում և հատկապես Սիրիայում լուրջ փոփոխություններ են տեղի ունենում, ինչը նոր աշխարհակարգի հաստատման կհանգեցնի
