Հայաստանում հանգստյան օրերին առանց տեղումների եղանակ կլինի

ԵՐԵՎԱՆ, 16 հոկտեմբերի- Sputnik. Հանրապետության տարածքում հոկտեմբերի 16-ին, 18-20-ին սպասվում է առավելապես առանց տեղումների եղանակ: 17-ին արևելյան շրջաններում սպասվում է անձրև, հաղորդվում է ՏԿԱԻՆ կայքում:

Քամին կլինի հարավ-արևմտյան` 2-5 մ/վրկ:

Օդի ջերմաստիճանը 16-18-ի գիշերը աստիճանաբար կնվազի 4-6 աստիճանով, 17-ի ցերեկը արևելյան շրջաններում` 4-5 աստիճանով, 18-ի ցերեկը, 19-20-ին աստիճանաբար կբարձրանա 4-6, արևելյան շրջաններում` 8-10 աստիճանով:

Երևանում հոկտեմբերի 16-20-ին սպասվում է առանց տեղումների եղանակ:

Երևանում այսօր ցերեկային ժամերին կլինի 18-20 աստիճան տաքություն, երեկոյան` 14-16: