Թուրք-սիրիական սահմանի մոտ հայ դեռահաս է սպանվել

ԵՐԵՎԱՆ, 23 հոկտեմբերի – Sputnik. Թուրք-սիրիական սահմանի մոտակայքում՝ Սիրիայի Կամիշլի քաղաքից Թուրքիա տանող ճանապարհին, 14-ամյա հայ դեռահաս է սպանվել։

Այս մասին հայտնում է news.am-ը` հղում անելով Հալեպում Հայ առաքելական եկեղեցու Բերիո թեմին։ Զոհվածը Արմեն Ժիրայրի Ավետիսյանն է, որը ծնողների հետ փորձում էր անցնել Թուրքիա։ Տղան մահացել է արձակված կրակոցներից։

Սիրիայում արյունալի իրադարձություններից առաջ այդ երկրում մոտ 60-70 հազար հայ էր բնակվում: Նրանց կեսից ավելին ապրում էր Հալեպում, իսկ մյուս կեսը՝ Լաթաքիա, Հոմս, Կամիշլի, Հասաքե, Յաղուբիե, Ռաքքա, Քեսաբ քաղաքներում և մայրաքաղաք Դամասկոսում: