ԵՐԵՎԱՆ, 28 հոկտեմբերի – Sputnik. Քիչ հավանական է, որ ԱՄՆ–ն Սիրիայում ցամաքային գործողություններ կիրականացնի, Sputnik Արմենիա պորտալին հայտնեց նախկին պաշտպանության նախարար, գեներալ–լեյտենանտ Վաղարշակ Հարությունյանը։
«ԱՄՆ–ի այն հայտարարությունը, որ Սիրիայում ցամաքային գործողություններ կիրականացնի, պետք է դիտարկել որպես քաղաքական խաղ։ Այսօր կամ մոտ ժամանակում ԱՄՆ–ն այդ քայլին պատրաստ չէ։ Նման գործողություններ իրականացնելու համար որևէ պայման չկա», –ասաց Հարությունյանը։
Նրա խոսքով` ԱՄՆ–ն փորձում է պատասխան տալ Ռուսաստանին, որի ՌՕՈՒ–ի հաջողություններն առավել ակնհայտ են կոալիցիայի երկարատև անհաջողությունների ֆոնին։
«Մյուս կողմից` այդ հայտարարությունն ուղղված է Սիրիայի այն ուժերի դեմ, որոնք աջակցություն են ստացել կոալիցիայի և ԱՄՆ–ի կողմից։ Միացյալ Նահանգները ցույց է տալիս, որ պատրաստ է աջակցել նրանց», – ասաց Հարությունյանը։
Նա չի բացառում նաև, որ հետախուզական–դիվերսիոն խմբի իրականացրած գործողությունների հետևանքով կարող են մանր խնդիրներ ի հայտ գալ։ Ավելի վաղ Սպիտակ տան պաշտոնական ներկայացուցիչ Էրիկ Շուլցը հայտարարել էր, որ ԱՄՆ–ի իշխանությունը Իրաքում և Սիրիայում ահաբեկիչների դեմ չի պատրաստվում երկարատև ռազմական գործողություններ իրականացնել։
ԱՄՆ պաշտպանության նախարար Էշտոն Քարտերն իր հերթին ամերիկյան սենատի լսումների ժամանակ հավատացրել է օրենսդիրներին, որ Վաշինգտոնը պատրաստ է աջակցել սիրիական ընդդիմությանը, որը պայքարում է «Իսլամական պետության» գրոհայինների հետ։
Փորձագետ. քիչ հավանական է, որ ԱՄՆ–ն Սիրիայում ցամաքային գործողություններ կիրականացնի
17:40 28.10.2015 (Թարմացված է: 18:18 28.10.2015)
Բաժանորդագրվեք
Սպիտակ տան պաշտոնական ներկայացուցիչ Էրիկ Շուլցը հայտարարել էր, որ ԱՄՆ–ի իշխանությունը Իրաքում և Սիրիայում ահաբեկիչների դեմ չի պատրաստվում երկարատև ռազմական գործողություններ իրականացնել
