Մամուլի ասուլիս. «Բոլորս միասին» միջազգային ցուցահանդես Բոննում

ԵՐԵՎԱՆ, 5 նոյեմբերի — Sputnik. Ուրբաթ` նոյեմբերի 6–ին, ժամը 12։00–ին Sputnik Արմենիա միջազգային մամուլի կենտրոնում («Իմպերիում պլազա» բիզնես–կենտրոնի շենք, հասցե` Ամիրյան 4/7, 4–րդ հարկ) տեղի կունենա մամուլի ասուլիս՝ նվիրված գերմանական Բոնն քաղաքում անցկացվող «Բոլորս միասին» միջազգային ցուցահանդեսին։

Գերմանական Բոնն քաղաքի «Արվեստագետների ֆորումում» նոյեմբերի 1-27-ն անցկացվող ցուցահանդեսի շրջանակներում ցուցադրվելու է Հայաստանը, Գերմանիան և Իսլանդիան ներկայացնող 11 նկարչի աշխատանք։

Նախագիծն իրականացվում է Բոննի քաղաքապետ Աշոկ Շրիդարանի բարձր հովանու ներքո։

Միջոցառման նախաձեռնողն է «Մշակույթների երկխոսություն» հիմնադրամը՝ ''ArtDialog'' միավորման հետ համատեղ:

Մամուլի ասուլիսի մասնակիցներն են՝

«Մշակույթների երկխոսություն» հիմնադրամի նախագահ Սոնա Հարությունյանը,

Նկարիչներ Վահան Ռումելյանը, Արման Վահանյանը և Օվսաննա Շեկոյանը։

Մամուլի ասուլիսին ներկա կլինի նաև «Մշակույթների երկխոսություն» հիմնադրամի փոխնախագահ, արվեստագետ Մարի-Քրիստին Ֆրիտչը:

Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։

Երևանում Sputnik մուլտիմեդիոն միջազգային մամուլի կենտրոնի ղեկավարն է Հասմիկ Սահակյանը։

Հեռախոսահամար` +374 (94) 18-33-77։