ԵՐԵՎԱՆ, 5 նոյեմբերի — Sputnik. Բոլոր անհրաժեշտ անվտանգության միջոցները Շարմ էլ Շեյխի օդանավակայանում և թռիչքի սպասող բրիտանական ինքնաթիռներում կձեռնարկվեն ուրբաթ, ինչից հետո զբոսաշրջիկները Միացյալ թագավորություններից կվերադառնան հայրենիք, Sky News հեռուստաալիքի եթերում հայտնել է Մեծ Բրիտանիայի ԱԳՆ ղեկավար Ֆիլիպ Համոնդը:
«Արտակարգ իրավիճակի հետ կապված անվտանգության բոլոր միջոցառումները կավարտվեն վաղը», — ասել է Համոնդը:
Նախօրեին բրիտանական իշխանությունը հայտարարել էր, որ տարբեր աղբյուրներից հավաքած տվյալների համաձայն` «մեծ հավանականություն» կա, որ ռուսական A321 ինքնաթիռի աղետի պատճառը օդանավում գտնվող պայթուցիկ սարքն է եղել: Դրա հետ կապված` Մեծ Բրիտանիան հետաձգել է այնտեղից մեկնող բոլոր չվերթերն անվտանգությունը բարձրացնելու նկատառումով։ Այժմ Բրիտանիայի ղեկավարությունը խորհուրդ է տալիս բրիտանացիներին Շարմ էլ Շեյխ մեկնել միայն անհրաժեշտության դեպքում:
