ԵՐԵՎԱՆ, 5 նոյեմբերի– Sputnik. Ռուսաստանի Դաշնության Տուլայի տարածաշրջանի Ուզլովսկի քաղաքի մոտ տեղի ունեցած Մոսկվա-Երևան երթուղու ուղևորատար ավտոբուսի վթարի հետևանքով վիրավորված 8 քաղաքացիները ինքնաթիռից շտապօգնության մեքենաներով կտեղափոխվեն ՀՀ առողջապահության նախարարության «Սուրբ Գրիգոր Լուսավորիչ» բազմապրոֆիլ բժշկական կենտրոն, հաղորդում է Հայաստանի առողջապահության նախարարության մամուլի ծառայությունը։
Ավտովթարը տեղի է ունեցել երեքշաբթի Տուլայի մարզի տարածքում։ Մոսկվա–Երևան ավտոբոսում գտվնվել է ավելի քան 60 մարդ` Հայաստանի քաղաքացիներ։ Վթարի հետևանքով մահացել է ութ մարդ, տուժել 48, որոնցից 10–ը գտնվում են վերակենդանացման բաժնում
Տուլայի տարածաշրջանի Ուզլովսկի քաղաքի մոտ տեղի ունեցած վթարի զոհերի աճյունները Երևան կտեղափոխվեն այսօր՝ նոյեմբերի 5-ին, հատուկ չվերթով: Երևան ուղևորվող ինքնաթիռի թռիչքը նախատեսված է Երևանի ժամանակով ժամը 17.00-ին: Ինքնաթիռի վայրէջքը Երևանի «Զվարթնոց» օդանավակայանում նախատեսվում է Երևանի ժամանակով ժամը 20.00-ի սահմաններում: Նույն ինքնաթիռով Երևան կտեղափոխվեն նաև վթարից վիրավորված 32 այն քաղաքացիները, որոնց առողջական վիճակը բժիշկների գնահատմամբ թույլ է տալիս մեկնել։
Տուլայի բժշկական հաստատություններում կշարունակեն բուժում ստանալ 12 վիրավորներ։ Նրանք հիվանդանոցներում կմնան այնքան ժամանակ, մինչև նրանց առողջական վիճակը ևս թույլ կտա տեղափոխվել Հայաստան: Վթարի զոհերի աճյունները դուրս կբերվեն «Զվարթնոց» օդանավակայանի բեռնային համալիրից: Աճյունների տեղափոխումը կկազմակերպվի ՀՀ առողջապահության նախարարության կողմից: Աճյունները կտեղափոխվեն ՀՀ դատաբժշկական կենտրոն (հասցե՝ Երևան, Մխիթար Հերացու 5/1), որտեղից վաղը՝ նոյեմբերի 6-ին` ժամը 10.00-ից դիակները կհանձնվեն հարազատներին։ ՀՀ տրանսպորտի և կապի նախարարության կողմից կտրամադրվեն մեքենաներ, որոնք ուղևորներին և թեթև վիրավորներին կհասցնեն մինչև իրենց բնակավայրերը։
Տուլայի մոտ տեղի ունեցած ՃՏՊ–ից տուժած անձանցից 8–ը բուժումը կշարունակեն Երևանում
18:08 05.11.2015 (Թարմացված է: 18:31 05.11.2015)
© Ruptly
Բաժանորդագրվել
Ինքնաթիռի վայրէջքը Երևանի «Զվարթնոց» օդանավակայանում նախատեսվում է Երևանի ժամանակով ժամը 20.00-ի սահմաններում
