ԵՐԵՎԱՆ, 6 նոյեմբերի – Sputnik. Gangnam Style պարի հիմնական շարժումը, որն անում էր հարավկորեացի երգիչ, երգերի հեղինակ Psy-ն, քանդակի տեսքով տեղադրվելու է Սեուլի խոշոր առևտրա-ցուցահանդեսային կենտրոնի առջև։
35-ամյա Պակ Չէ Սանը, որը հանդես է գալիս Psy բեմական անունով, իր հայրենիքում հայտնի էր դարձել իր հումորիստական տեսահոլովակներով ու համերգային կատարումներով։ Նրա դեբյուտը Հարավային Կորեայում կայացել է 2001 թվականին։
Սակայն հենց նրա Gangnam Style սինգլը 2012 թվականին երգչին համաշխարհային հռչակ բերեց։ Այդ երգի տեսահոլովակն ամենաշատ դիտումներն ունեցավ YouTube-ի պատմության մեջ՝ ավելի քան 2.4 մլրդ։ Psy-ն առաջին կորեացին է, ով 2013 թվականին հեղինակավոր Billboard Music Awards մրցանակ ստացավ` Gangnam Style երգի համար։
Տեղի իշխանությունները մտադիր են քանդակը տեղադրել մինչև տարեվերջ։ Այն նախագծելու է քանդակագործ Հվանգ Ման-Սեոկը։
Gangnam Style պարին նվիրված արձան կկանգնեցվի Սեուլում
17:45 06.11.2015 (Թարմացված է: 17:56 06.11.2015)
© Reuters
Բաժանորդագրվեք
Gangnam Style պարի հիմնական շարժումը, որն անում էր հարավկորեացի երգիչ, երգերի հեղինակ Psy-ն, քանդակի տեսքով տեղադրվելու է Սեուլի խոշոր առևտրա-ցուցահանդեսային կենտրոնի առջև
