ԵՐԵՎԱՆ, 8 նոյեմբերի- Sputnik. 2015թ նոյեմբերի 27-ին Մոսկվայի «Lookin Rooms» համալիրում առաջին անգամ տեղի կունենա հայկական նորաձևության օր:
Տոնի կազմակերպիչը ՌԴ ում բնակվող հաղորդավարուհի Նաիրա Նիազյանն ու ընկերներն են՝ Անյան, Լիանան, Ցողինեն, Աղասին և այլք:
Միջոցառման շրջանակներում հանդիսատեսի ուշադրությանը կներկայացվեն հայազգի 7 մոդելավորողների հագուստների հավաքածուները: Միջոցառման խորագիրն է armFASHIONday, մասնակցում են ինչպես ռուսաստանյան նորաձևության լայն շրջանակներին հայտնի մոդելավորողներ՝ Նարինե Հարությունյանը՝ NARNY, Անի Մանուկյանը՝ Ani Manoukian, այնպես էլ սկսնակ, բայց տաղանդավոր հայուհիներ՝ Արաքսյա Վիտա՝ Araksia Vita, Արմինա Գոմցյան`A.Գreeg, Ռեգինա Ակոպովա` Regina Akopova, Աննա Մուրադյան` Amurstyle: Հայաստանից մոսկովյան նորաձևության տոնին կմասնակցի դիզայներ Արտյոմ Սյունեցին՝ Artem Syuneci:
Երեկոյի երկրորդ հատվածում համերգային ծրագիր է` էստրադային հայտնի կատարողների մասնակցությամբ:
Հայկական նորաձևության օր կանցկացվի Մոսկվայում
09:00 09.11.2015 (Թարմացված է: 09:05 09.11.2015)
© Sputnik / Асатур Есаянц
Բաժանորդագրվեք
2015թ նոյեմբերի 27-ին Մոսկվայի «Lookin Rooms» համալիրում առաջին անգամ տեղի կունենա հայկական նորաձևության օր
