Մոսկվայում կանցկացվի եվրոպական և ասիական մեդիայի 8–րդ համաժողովը

ԵՐԵՎԱՆ, 9 նոյեմբերի– Sputnik. Եվրոպական և ասիական մեդիայի ֆորումը (ԵԱՄՖ), որի կազմակերպիչն է «Ռոսիա սեգոդնյա» ՄԼԳ–ն, նոյեմբերի 10–ին Մոսկվայում կհավաքի առաջատար մեդիափորձագետներին։

Համաժողովը կբացվի լիագումար նիստով` «Ռոսիա սեգոդնյա» ՄԼԳ–ի գլխավոր տնօրենի և «Ռոսիա սեգոդնյա» ՄԼԳ–ի գլխավոր խմբագիր և RT հեռուստաալիքի գլխավոր խմբագիր Մարգարիտա Սիմոնյանի մասնակցությամբ։

ԵԱՄՖ 2015–ի թեման է «Կայուն գործընկերությունն անկայուն աշխարհում»։ Համաժողովին կմասնակցեն առավել հեղինակային և հայտնի ԶԼՄ–ների գլխավոր խմբագիրներն ու թոփ–մենեջերները, խոշորագույն հեռուստառադիոընկերությունների և ինտերնետ–պորտալների ղեկավարները, մեդիաբիզնեսի փորձագետներն ու հետխորհրդարային տարածքի 14 երկրների անվանի լրագրողները (Ադրբեջան, Հայաստան, Բելառուս, Վրաստան, Ղազախստան, Ղրղզըստան, Լատվիա, Լիտվա, Մոլդովա, Ռուսաստան, Տաջիկստան, Ուզբեկստան, Ուկրաինա, Էստոնիա)։

ԵԱՄՖ 2015–ի հիմնական օրակարգը նախկին ԽՍՀՄ երկրների ԶԼՄ–ների փոխազդեցությունն է տարբեր քաղաքական և տնտեսական գործընթացների պայմաններում։ Համաժողովի շրջանակում նախատեսված է երեք թեմատիկ բանավեճ` «Եվրասիական տեղեկատվական տարածություն. մարտահրավերներ և ռիսկեր», «Մեդիաինդուստրիա. պահպանել աուդիտորիան և սեփական հեղինակությունը», «Կայուն գործընկերությունն անկայուն աշխարհում»։ ԵԱՄՖ 2015թ.–ի ծրագիրը ներառում է հատուկ նստաշրջաններ ՌԴ ԱԳՆ տեղեկատվության և մամուլի բաժնի տնօրեն Մարիա Զախարովայի, ինչպես նաև գրող և հրապարակախոս Վիկտոր Երոֆեևի ու «Զավտրա» թերթի գլխավոր խմբագիր,  Իզբորյան ակումբի նախագահ Ալեքսանդր Պրոխանովի հետ։

Եվրոպական և ասիական մեդիաների ֆորումը բացառիկ հարթակ է հետխորհրդային տարածքում, որը մեկ տանիքի տակ է հավաքում ԱՊՀ երկրների, Բալթիկայի և Վրաստանի առաջատար մեդիափորձագետներին` մեդիաարդյունաբերության  զարգացման գործնթացների միտումները և կանխատեսումները քննարկելու համար։ Ֆորումն անցկացվում է2006 թվականից։ Առաջին չորս տարիներին ֆորումներն անցկացվել են Մոսկվայում, այնուհետև ԵԱՄՖ–ն ընդունել են Կիևը, Աստանան, Մինսկը։ Աստանայում 2011 թվականին կայացած ԵԱՄՖ–ի մասնակցիներին  ողջույնի խոսքով դիմել են Ռուսաստանի և Ղազախստանի նախագահներ Դմիտրի Մեդվեդևն ու Նուրսուլթան Նազարբաևը` ընդգծելով իրենց հետաքրքրվածությունը հետխորհրդային տեղեկատվական դաշտում գործընթացների դրական զարգացմամբ։ Մինսկում 2012 թվականին ԱՊՀ երկրների գլխավոր խմբագիրների ակումբի մասնակից լրագրողների հետ ԵԱՄՖ շրջանակում հանդիպել է Բելառուսի նախագահ Ալեքսանդր Լուկաշենկոն։ ԵԱՄՖ 2015–ը կշարունակի անցյալ տարիների ֆորումների ավանդույթները` իր հարթակը տրամադրելով բաց քննարկումների և փորձի փոխանակման համար։