Երեկոյան երևանցիները հավաքվել էին Ֆրանսիայի հրապարակում: Մարդիկ ծաղիկներ էին դնում Ռոդենի արձանի մոտ, մոմեր վառում: Ոմանց ձեռքին պաստառներ էին՝ «Մենք աղոթում ենք ձեզ համար», «Ֆրանսիա, մենք քեզ հետ ենք» գրություններով:
Հրապարակում էին նաև Հայաստանում Ֆրանսիայի դեսպան Ժան Ֆրանսուա Շարպանտիեն, Հայաստանի նախագահ Սերժ Սարգսյանը, ԱԳՆ ղեկավար Էդվարդ Նալբանդյանը, Երևանի քաղաքապետ Տարոն Մարգարյանն ու այլ բարձրաստիճան պաշտոնյաներ: Նվագախումբը «Մարսելյեզ» էր նվագում:
Հոկտեմբերի 13-ի երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 129 մարդ է մահացել:
